Turkiyada xalqaro amaliyot dasturi: LOCALINTERNational
Turkiya Munitsipalitetlari Ittifoqi tomonidan 2012-yildan buyon o‘tkazib kelinayotgan International Local Authorities Internship Program (LOCALINTERNational) yoshlar uchun ajoyib imkoniyatdir. Dastur ishtirokchilarga mahalliy boshqaruv tizimi, munitsipal ish modellari va ilg‘or xalqaro tajribalarni o‘rganish uchun qulay muhit yaratadi.
Dasturdan ko‘zlangan asosiy maqsad
Ushbu loyihaning maqsadi yoshlarni bo‘lajak yetakchi va rahbar sifatida shakllantirish, ularga xalqaro boshqaruv tajribasini yetkazish hamda turli mamlakat yoshlari o‘rtasida muloqot o‘rnatishdan iborat. Dastur doirasida treninglar, amaliy misollar, joylarga tashriflar va ijtimoiy tadbirlar tashkil etiladi.
Eslatma: Dastur to‘liq moliyalashtiriladi. Ishtirokchilarning xalqaro safar xarajatlari, oziq-ovqat va turar joy to‘lovlari tashkilotchilar tomonidan qoplanadi.
Dasturda nimalarni o‘rganasiz?
Ishtirokchilar quyidagi dolzarb yo‘nalishlarda bilim va ko‘nikmalarga ega bo‘ladilar:
- Mahalliy boshqaruv organlarining qadriyatlari;
- Mahalliy demokratiya va ijtimoiy-madaniy faoliyat;
- Barqaror rivojlanish maqsadlari;
- CV tayyorlash va intervyu texnikalari.
Agar siz talabalar uchun tashkil etilayotgan xalqaro loyihalarga qiziqsangiz, ushbu dastur aynan siz uchun. Shuningdek, abituriyentlar uchun mo‘ljallangan ta'lim yangiliklarini ham kuzatib borishingiz mumkin.
Nomzodlar uchun talablar
- Ingliz tilini yaxshi darajada bilish;
- Bakalavriatning oxirgi bosqich talabasi yoki magistratura 1-kurs talabasi bo‘lish;
- Huquq, iqtisodiyot, sotsiologiya, xalqaro aloqalar yoki shunga o‘xshash sohalarda tahsil olish.
MUHIM: Arizalarni imkon qadar tezroq topshirish tavsiya etiladi. Onlayn ariza shaklini to‘ldirish uchun bosing. Savollar yuzasidan [email protected] elektron manziliga murojaat qilishingiz mumkin.
Izohlar (0)
Izoh yozish uchun tizimga kiring.