Global Korea Scholarship (GKS) nima?
Global Korea Scholarship — bu xalqaro talabalar uchun Janubiy Koreya universitetlarida bakalavr bosqichini to‘liq moliyalashtiriladigan grant dasturi. Dastur nafaqat kontrakt to‘lovlarini, balki yo‘l, yashash, turar joy va oziq-ovqat xarajatlarini ham qoplaydi. 4 yillik ta’limga qo‘shimcha ravishda 1 yillik koreys tili kurslari ham bepul taqdim etiladi.
GKS grant dasturi turlari
Dastur ikki asosiy yo‘nalishda amalga oshiriladi:
- Embassy Track: Har yili 67 ta davlatdan 125 nafar talaba uchun ajratilgan grant.
- University Track: 72 ta davlatdan jami 60 nafar talaba uchun, asosan Natural Science va Engineering yo‘nalishlari bo‘yicha.
Agar siz abituriyentlar uchun foydali ma’lumotlar izlayotgan bo‘lsangiz, bizning saytimizdagi yangiliklarni kuzatib boring.
Nomzodlarga qo‘yiladigan talablar
- Nomzodlar va ularning ota-onasi Koreya fuqarosi bo‘lmasligi kerak;
- 25 yoshdan kichik bo‘lishi (1996-yil 1-martdan keyin tug‘ilgan);
- Maktab, kollej yoki litseyni a’lo baholar bilan tamomlagan bo‘lishi;
- Tibbiy jihatdan sog‘lom bo‘lishi shart.
Talablar haqida batafsil ma’lumotni rasmiy sayt orqali bilib olishingiz mumkin.
Grant imtiyozlari
- Aviachipta xarajatlari;
- Bir martalik joylashib olish to‘lovi (200,000 KRW);
- Oylik stipendiya (900,000 KRW);
- Til darajasiga qarab qo‘shimcha stipendiyalar va mukofotlar;
- Kontrakt to‘lovi va tibbiy sug‘urta to‘liq qoplanadi.
Kerakli hujjatlar
Barcha hujjatlar ingliz yoki koreys tilida taqdim etilishi lozim:
- To‘ldirilgan ariza shakli va shaxsiy bayonot (Personal Statement);
- O‘qish rejalari (Study plan);
- Tavsiyanoma va tibbiy ma’lumotnoma;
- Pasport nusxasi;
- Diplom yoki attestat;
- Til bilish sertifikati.
Qo‘shimcha ma’lumotlar uchun talabalar uchun ajratilgan bo‘limimizga tashrif buyuring.
Eslatma: Ariza topshirish muddatlari universitet va bo‘limlarga qarab farq qiladi. Ariza topshirish uchun ushbu havola orqali o‘ting.
Izohlar (0)
Izoh yozish uchun tizimga kiring.