Germaniyada Eynshteyn stipendiya dasturi: 10 000 yevro yutib olish imkoniyati
Germaniyada o‘tkaziladigan nufuzli Eynshteyn stipendiya dasturiga arizalar qabul qilinmoqda. Bu dastur yosh tadqiqotchilar va talabalar uchun ajoyib imkoniyatdir.
Dastur shartlari va imtiyozlar
Stipendiya dasturi Eynshteyn Forumi va Vittenshteyn jamg‘armasi tomonidan tashkil etilgan bo‘lib, u quyidagi afzalliklarni taqdim etadi:
- 10 000 yevro miqdorida stipendiya;
- Bepul turar joy bilan ta’minlash;
- Transport xarajatlarini to‘liq qoplash.
Kimlar ishtirok eta oladi?
Dasturda dunyo bo‘ylab 35 yoshgacha bo‘lgan, gumanitar, ijtimoiy yoki tabiiy fanlar bo‘yicha oliy ma’lumotga ega nomzodlar qatnashishi mumkin. Abituriyentlar va yosh mutaxassislar uchun bu o‘z ilmiy loyihalarini xalqaro darajada namoyish etish imkonidir.
Arizani qanday topshirish kerak?
Nomzodlar 15-maygacha o‘z rezyumelari, ikki sahifali loyiha taklifi va ikkita tavsiyanomani taqdim etishlari shart. Muvaffaqiyatli nomzodlar 5-6 oy davomida Germaniyada o‘z loyihalari ustida ishlashadi va yakunda ochiq ma’ruza o‘tkazadilar.
Batafsil ma’lumot va ro‘yxatdan o‘tish uchun rasmiy havola orqali o‘tishingiz mumkin.
Izohlar (0)
Izoh yozish uchun tizimga kiring.