Endi Maktabni bitirish imtihonlarida OTMga kirish sinovlariga mos fanni tanlash imkoniyati yaratiladi

Ta'lim tizimida kutilayotgan o'zgarishlar haqida:

Qisqacha mazmun:
Bugun, 28-mart kuni Prezident Shavkat Mirziyoyev maktab taʼlimini rivojlantirish va sifatini oshirishga oid rejalar taqdimoti bilan tanishdi.
Taqdimotda o'quvchilar bilimini baholashning shaffof va xolis tizimini joriy qilish masalasi ham ko'rib chiqildi.
Hozirda bilimning bahosi turli maktablarda turlicha.

---

Bugun, 28-mart kuni Prezident Shavkat Mirziyoyev maktab taʼlimini rivojlantirish va sifatini oshirishga oid rejalar taqdimoti bilan tanishdi.

Taqdimotda o'quvchilar bilimini baholashning shaffof va xolis tizimini joriy qilish masalasi ham ko'rib chiqildi.

Hozirda bilimning bahosi turli maktablarda turlicha. Imtihon varaqalaridagi savollar darajasi ham har xil. Xalqaro testologiya talablariga ko'ra, hamma variantlardagi savollarning qiyinlik darajasi teng bo'lishi kerak.

Shu bois davlat yakuniy attestatsiyasida, yaʼni maktabni bitirish imtihonlarida o'quvchilarning bilimini yagona nazorat materiallari asosida baholash taklif etilmoqda. Imtihon topshiriqlari yozma va amaliy shaklga o'tkaziladi, javoblarni maxsus platforma orqali tekshirish amaliyoti yo'lga qo'yiladi, savollar doimiy ravishda yangilanib boriladi.

Yana bir muhim yangilik – maktabni bitirish imtihonlarida oliy taʼlim muassasasiga kirish sinovlariga mos fanni tanlash imkoniyati yaratiladi.

Ta'lim sohasidagi boshqa yangiliklarni kuzatib boring.