AQSH hukumati xorijlik talabalar, madaniy almashinuv dasturi ishtirokchilari va jurnalistlar uchun viza muddatlarini cheklovchi yangi qoidalarni qabul qildi.
AQSH Ichki xavfsizlik departamenti (DHS) tomonidan qabul qilingan yakuniy qoidaga ko'ra, F (talaba), J (almashinuv) va I (jurnalist) vizalari endi aniq muddat bilan rasmiylashtiriladi.
Yangi viza muddatlari
Reklama
| Viza turi | Yangi muddat |
|---|---|
| Xalqaro talabalar (F viza) | 4 yilgacha |
| Almashinuv dasturlari (J viza) | 4 yilgacha |
| Xorijiy jurnalistlar (I viza) | 240 kungacha |
| Xitoy fuqarolari jurnalistlar | 90 kungacha |
Ilgari ushbu vizalar TALIM dasturi yoki ish faoliyati davom etgan muddatgacha amal qilar edi.
Qo'shimcha talablar
Magistratura va doktorantura talabalariga ruxsatsiz boshqa muassasaga o'tish yoki ta'lim maqsadini o'zgartirish taqiqlanadi.
O'qishni tamomlagan talabalar AQSHni tark etishi yoki boshqa maqomga o'tishi uchun beriladigan muddat 60 kundan 30 kunga qisqartirildi. Mamlakatda qolishni istaganlar DHSga murojaat qilishi yoki qayta viza olishi kerak.
Nega bunday qaror qabul qilindi
DHS bu o'zgarishlarni talabalar vizasi bilan kiruvchilar sonining keskin oshgani bilan izohladi. 2024-yilda 1,8 milliondan ortiq talaba vizasi bo'yicha kirish qayd etilgan — bu avvalgi yilga nisbatan 11 foizga ko'p. 2024-moliya yilida 500 mingdan ortiq almashinuv ishtirokchilari va 37 mingdan ziyod jurnalistga viza berilgan.
Biroq yangi qoidalar ekspertlar tanqidiga uchramoqda. Cato Institute direktori David J. Bierning fikricha, cheklovlar xalqaro talabalar uchun qiyinchilik tug'diradi. Xitoy Tashqi ishlar vazirligi esa tartibni kamsituvchi deb baholamoqda.
Tartib Federal reyestrda e'lon qilinganidan so'ng 60 kundan keyin kuchga kiradi. AQSH vizasini olish haqida avvalroq batafsil ma'lumot berilgan edi.
Jahon ta'limiga oid yangiliklar va foydali maqolalarni InfoEdu.uz orqali kuzatishingiz mumkin.
Izohlar (0)
Izoh yozish uchun tizimga kiring.