Oliy ta'lim, fan va innovatsiyalar vazirining tegishli buyrug'iga asosan Muxamedali Dauletmuratov Qoraqalpog'iston qishloq xo'jaligi va agrotexnologiyalar instituti rektori lavozimiga tayinlandi. U ushbu tayinlovga qadar institutning yoshlar masalalari va ma'naviy-ma'rifiy ishlar bo'yicha prorektori lavozimida faoliyat yuritgan.
Yangi rektor haqida
Muxamedali Dauletmuratov 1993-yilda tug'ilgan. U 2015-yilda Toshkent davlat agrar universiteti Nukus filialining bakalavriat, 2017-yilda Toshkent davlat agrar universitetining magistratura bosqichini tamomlagan. Mutaxassisligi — agrokimyogar. Qishloq xo'jaligi fanlari bo'yicha falsafa doktori (PhD), dotsent.
Reklama
Mehnat faoliyati
- Institutning Agrokimyo va tuproqshunoslik kafedrasi mudiri;
- Yoshlar masalalari va ma'naviy-ma'rifiy ishlar bo'yicha birinchi prorektor;
- Ilmiy faoliyatida Qoraqalpog'iston sharoitida tuproq unumdorligi, sho'rlanish, yer degradatsiyasi, qishloq xo'jaligi ekinlarini avtomatlashtirilgan o'g'itlash va GAT texnologiyalari yo'nalishlarida tadqiqotlar olib borgan.
Ilmiy salohiyati va mukofotlari
Muxamedali Dauletmuratov 50 ga yaqin ilmiy ish, jumladan monografiya va o'quv qo'llanmalar muallifi. Uning ilmiy maqolalari Scopus va Web of Science bazalarida indeksatsiyalanuvchi xalqaro jurnallarda chop etilgan. Shuningdek, u “Umid uchquni” va “O'zbekiston Respublikasi qishloq xo'jaligi fidoyisi” ko'krak nishonlari bilan taqdirlangan.
Qoraqalpog'iston oliy ta'lim muassasalari va hududdagi imtiyozlar haqida xususiy bog'chalar uchun joriy etilgan 15 yillik kredit sarlavhali materialimizda ham yozgan edik.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring