Abituriyentlar diqqatiga: Ro‘yxatdan o‘tish muddati yakunlanmoqda
Bilimlarni baholash agentligi oliy ta’lim muassasalariga kirish uchun ro‘yxatdan o‘tayotgan abituriyentlar uchun muhim ogohlantirish e’lon qildi. Qabul jarayoni 20-iyul kuni soat 23:59 da to‘liq yakunlanadi.
Nima uchun ro‘yxatdan o‘tishni kechiktirmaslik kerak?
O‘tgan yillardagi tajribadan kelib chiqib, ko‘plab abituriyentlar hujjat topshirishni so‘nggi kunlarga qoldirishmoqda. Bu esa quyidagi muammolarga olib kelishi mumkin:
- Tizimda yuzaga kelishi mumkin bo‘lgan texnik nosozliklar (saytning qotib qolishi);
- Shoshilinch holatda ma’lumotlarni kiritishda xatoliklarga yo‘l qo‘yish;
- Oxirgi daqiqalardagi tirbandliklar sababli arizani yakunlay olmaslik.
Abituriyentlardan tezroq bir qarorga kelib, kirish ballari yo'nalishlar kesimida tanishib chiqish va hujjatlarni to‘g‘ri rasmiylashtirish tavsiya etiladi. Esda tuting, qabul muddati tugagandan so‘ng tanlov yo‘nalishlarini o‘zgartirish imkoniyati bo‘lmaydi.
Muhim eslatma
20-iyul kuni 23:59 ga qadar barcha ma’lumotlarni o‘zgartirish, shuningdek, to‘lov qilingan taqdirda ham tanlovni tahrirlash imkoniyati saqlanib qoladi. O‘zingiz tanlagan oliygohlar kirish ballari bilan oldindan tanishib chiqish sizga to‘g‘ri qaror qabul qilishda yordam beradi.
Ta'lim sohasidagi so‘nggi yangiliklarni kuzatib boring va o‘z vaqtida xabardor bo‘ling.
Izohlar (0)
Izoh yozish uchun tizimga kiring.