Talabalar va abituriyentlar uchun milliy sertifikatlar bo‘yicha muhim yangiliklar e’lon qilindi. Endilikda abituriyentlar kirish imtihonlariga qadar asosiy fanlardan yuqori ballni kafolatlab qo‘yishlari mumkin.
Milliy sertifikat nima va u qanday imtiyoz beradi?
Sertifikat – umumta’lim fanlari bo‘yicha talabgorning bilim darajasini aniqlab beruvchi rasmiy hujjat. Milliy sertifikat sanalari bilan oldindan tanishib, imtihonlarga tayyorgarlik ko‘rish tavsiya etiladi.
Mazkur sertifikatga ega abituriyentlarga oliy ta’lim muassasalariga kirishda quyidagicha ballar beriladi:
- 60-85 foiz natija uchun: sertifikatdagi o‘zlashtirish foiziga mos ravishda tabaqalashtirilgan (proporsional) ball;
- 86 foiz va undan yuqori natija uchun: fandan belgilangan maksimal ball;
- Majburiy fanlar uchun: 60 foizdan yuqori natija bo‘lsa, maksimal ball.
Qaysi fanlardan sertifikat olish mumkin?
Hozirgi kunda matematika, fizika, kimyo, biologiya, ona tili va adabiyot, tarix, geografiya kabi fanlardan sertifikat imtihonlari o‘tkazilmoqda. Kirish ballari yo'nalishlar kesimida ma'lumotlarni tahlil qilib, o'zingizga kerakli fanni tanlashingiz mumkin.
Imtihon jarayoni va talablar
Sertifikat imtihonlari Bilim va malakalarni baholash agentligi tomonidan o‘tkaziladi. Imtihon savollari davlat ta’lim standartlariga mos tuzilgan bo‘lib, mantiqiy fikrlashni talab qiladi. Masalan, ona tili va adabiyot fanidan esse yozish talab etiladi.
Imtihonda 35 ta yopiq va 10 ta ochiq turdagi test topshirig‘i uchun 150 daqiqa vaqt ajratiladi. To‘lov miqdori esa BHMning 1,5 baravarini tashkil etadi.
sertifikat namunasi
Ma'lumot uchun: sertifikat 3 yil muddatga amal qiladi. Imtihon natijalari 20 ish kunida e’lon qilinadi va shaxsiy kabinet orqali elektron shaklda yuklab olinadi.
Izohlar (0)
Izoh yozish uchun tizimga kiring.