2025-yilgi kirish imtihonlari uchun nazoratchilar tanlovi
Bilimni baholash agentligi 2025-yilda o‘tkaziladigan kirish test sinovlarida guruh nazoratchisi sifatida ishtirok etish istagida bo‘lgan nomzodlar uchun tanlov e’lon qildi. Bu jarayon test sinovlarining shaffof va adolatli o‘tishini ta’minlashda muhim ahamiyatga ega.
Kimlar ishtirok eta oladi?
Tanlov 25 yoshdan 45 yoshgacha bo‘lgan, oliy ma’lumotli va ijtimoiy faol fuqarolar uchun ochiq. Nomzodlar quyidagi talablarga javob berishi kerak:
- 25-45 yosh oralig‘idagi O‘zbekiston Respublikasi fuqarosi bo‘lish;
- Oliy ma’lumotga ega bo‘lish;
- Ijtimoiy faollik va mas’uliyatni his etish.
Agar siz kirish ballari yo'nalishlar kesimida ma'lumotlar bilan qiziqsangiz, saytimizdagi boshqa materiallarni ham ko'rib chiqishingiz mumkin.
Kimlar qatnasha olmaydi?
Quyidagi shaxslarning tanlovda ishtirok etishiga ruxsat berilmaydi:
- Talabalar;
- Repititorlar, o‘quv markazlari direktorlari va o‘qituvchilari;
- Ilgari nazoratchilik faoliyati qoniqarsiz baholanganlar;
- Vazifasini bajarmagan sobiq nazoratchilar.
Tanlov bosqichlari
Tanlov jarayoni bir necha bosqichdan iborat:
- Nomzodlarning talabga muvofiqligini dastlabki tekshirish.
- O‘quv-seminarlar o‘tkazish va test sinovlari orqali saralash.
- Nomzodlar bilan suhbat o‘tkazish va yakuniy tanlov.
Ariza topshirish tartibi
Tanlovda qatnashish istagida bo‘lganlar 2025-yil 1-martga qadar onlayn ro‘yxatdan o‘tishlari shart. Ro‘yxatdan o‘tish uchun quyidagi havoladan foydalaning: my.uzbmb.uz/service/32.
Eslatib o'tamiz, abituriyentlar uchun eng so'nggi yangiliklarni kuzatib borish imtihonlarga tayyorgarlik ko'rishda muhimdir. Imkoniyatdan foydalanib, o‘z nomzodingizni vaqtida ro‘yxatdan o‘tkazing.
Izohlar (0)
Izoh yozish uchun tizimga kiring.