2025-yilda nodavlat OTMlar faoliyatidagi yangi qoidalar

2025-yildan nodavlat OTMlar faoliyatida nimalar o‘zgaradi?

Ta’lim tizimida navbatdagi muhim yangiliklar e’lon qilindi. 2025/2026-o‘quv yilidan boshlab nodavlat oliy ta’lim muassasalari faoliyatini tartibga soluvchi yangi talablar joriy etilmoqda. Ushbu o‘zgarishlar abituriyentlar uchun sifatli ta’lim kafolatini kuchaytirishga qaratilgan.

1. HEMIS tizimida ro‘yxatga olish majburiy

• Ta’lim jarayonlari to‘liq HEMIS dasturi orqali boshqarilishi shart.
• Diqqat: HEMIS tizimiga kiritilmagan talabalarga diplom berilmaydi.

2. Kontrakt shartnomalari faqat elektron shaklda

• Barcha kontrakt shartnomalari faqat kontrakt.edu.uz platformasi orqali rasmiylashtiriladi.
• Ta’lim krediti olish uchun ham aynan shu tizimdan o‘tgan shartnoma talab etiladi.

3. Qabul jarayonlari va kvotalar cheklovi

• Nodavlat oliygohlar qabulni yiliga faqat bir marta (iyun-sentabr oylarida) o‘tkazishi mumkin.
• 2025-yildan boshlab nodavlat OTMlar kunduzgi ta’lim shakliga qabul qilingan talabalar sonidan ortiq miqdorda sirtqi, kechki yoki masofaviy shakllarga talaba qabul qila olmaydi.
• Bu o‘zgarishlar oliygohlar kirish ballari va ta’lim sifati monitoringi bilan chambarchas bog‘liq.

4. Akkreditatsiya tartibi kuchaytirildi

• Nodavlat oliygohlar har 4 yilda kompleks davlat akkreditatsiyasidan o‘tishi majburiy etib belgilandi.

Ushbu yangiliklar ta’lim sifatini oshirish va noqonuniy faoliyatning oldini olishga xizmat qiladi. Siz bu yangilikka qanday qaraysiz? Izoh qoldiring.