2024/2025-o‘quv yili kirish imtihonlari: Muhim raqamlar
Joriy yilda oliy va professional ta’lim muassasalariga kirish test sinovlari oldidan barcha zaruriy tayyorgarliklar yakunlandi. Quyida joriy yilgi qabul jarayoniga oid eng muhim statistik ma'lumotlar keltirilgan.
Abituriyentlar statistikasi va ro‘yxatdan o‘tish
2024/2025-o‘quv yili uchun onlayn ro‘yxatga olish jarayoni 5-iyundan 25-iyungacha davom etdi. Jami 894 279 nafar abituriyent ro‘yxatdan o‘tdi. Ularning 410 415 nafari (46%) joriy yil bitiruvchilari, 483 864 nafari (54%) esa avvalgi yillarda maktabni tugatganlardir.
Agar siz ham kelgusi yillarda yuqori natijalarga erishmoqchi bo‘lsangiz, kirish ballari yo'nalishlar kesimida bilan tanishib chiqishni tavsiya qilamiz. Shuningdek, bilimingizni sinab ko‘rish uchun DTM standartidagi test tizimi orqali mashq qilishingiz mumkin.
To‘lovlardan ozod etish va sertifikatlar
Joriy yilda 489 118 nafar (60,7 %) abituriyent test sinovida ishtirok etish uchun belgilangan to‘lovdan ozod etildi. Shuningdek, 30 637 nafar abituriyent chet tilidan, 20 684 nafari esa umumta’lim fanlaridan milliy sertifikatga ega ekanligi qayd etildi.
Test sinovlariga tayyorgarlik
Imtihonlarni shaffof o‘tkazish maqsadida 73 ta yopiq turdagi katta sig‘imli bino tayyorlandi. Test sinovlari 12 kun davomida o‘tkazilishi rejalashtirilgan bo‘lib, jarayonlarga 2 690 nafar guruh nazoratchisi va 139 nafar surdotarjimon jalb etiladi. Yangi test topshiriqlarini shakllantirishda 40 mingdan ortiq savollar ekspertizadan o‘tkazildi.
Eslatma: Abituriyentlar o‘zlarini qiziqtirgan savollar bo‘yicha 1195 qisqa raqamli murojaatlar markaziga bog‘lanishlari mumkin.
Izohlar (0)
Izoh yozish uchun tizimga kiring.