2024/2025-o‘quv yilidan yangi grant tizimi joriy etildi
Ta’lim sohasidagi eng muhim yangiliklardan biri — bakalavriat va magistratura bosqichlariga qabul qilingan talabalar uchun ta’lim grantlarini ajratish tartibining o‘zgarganidir. Endilikda grantlar butun o‘qish davri uchun emas, balki faqat bir o‘quv yiliga mo‘ljallab beriladi.
Grantni saqlab qolish shartlari
Yangi tizim talabalardan o‘z bilimlarini har yili qayta isbotlashni talab qiladi. Grant asosida o‘qishni davom ettirish uchun quyidagi omillar muhim:
- Birinchi kursda grantlar kirish ballari yo'nalishlar kesimida yuqori natija ko‘rsatganlarga beriladi.
- Ikkinchi va undan keyingi kurslarda grantlar yuqori akademik reyting hamda ijtimoiy faollik asosida qayta taqsimlanadi.
- Talabalar uchun yaratilgan ushbu tizim raqobatbardoshlikni oshirishga qaratilgan.
Tabaqalashtirilgan moliyalashtirish va istisnolar
Grantlar endilikda tabaqalashtirilgan tartibda moliyalashtiriladi va stipendiya faqat to‘liq grant yutgan talabalarga to‘lanadi. Biroq, ijtimoiy-rag‘batlantiruvchi grant sohiblari uchun istisno mavjud: ular o‘z grantlarini butun o‘qish davri davomida to‘liq hajmda saqlab qolishlari mumkin.
Izohlar (0)
Izoh yozish uchun tizimga kiring.