Huquqni muhofaza qilish akademiyasi haqida
Prezident farmoniga binoan O‘zbekistonda yangi Huquqni muhofaza qilish akademiyasi tashkil etildi. Akademiyada 2023/2024 o‘quv yilidan boshlab yuridik ta’limning ikki bosqichli tizimi – bakalavriat va magistratura bo‘yicha o‘quv jarayonlari yo‘lga qo‘yildi.
Ta'lim yo'nalishlari va o'qish muddati
Akademiyada bakalavriat kunduzgi ta'lim shaklida 3 yil, tergov faoliyati yo‘nalishidagi magistratura esa 1 yil muddatda o‘qitiladi. Bitiruvchilarga davlat namunasidagi diplomlar taqdim etiladi. Oliy o‘quv yurtlari haqida qo‘shimcha ma'lumotlarni bizning saytimizdan olishingiz mumkin.
Qabul kvotalari va imtiyozlar
- Bakalavriat dasturi bo‘yicha har yili 250 nafargacha talaba qabul qilinadi.
- Tergov faoliyati magistraturasi uchun 50 nafargacha kvota ajratilgan.
- Akademiyaga kirishda boshqa oliygohlar uchun belgilangan umumiy imtiyozlar tatbiq etilmaydi.
Shuni alohida ta'kidlash kerakki, magistraturaga qabul qilingan vakolatli davlat organlari xodimlari uchun o‘qish bepul bo‘lib, ularning lavozimi va o‘rtacha oylik ish haqi saqlab qolinadi. Abituriyentlar uchun mo‘ljallangan yangiliklarni kuzatib boring.
Hozirgi kunda Akademiyada ta'lim sifatini ta'minlash maqsadida ochiq tanlov asosida qabul qilish va o‘qitishning alohida tartibini nazarda tutuvchi Hukumat qarori loyihasi tayyorlanmoqda.
Izohlar (0)
Izoh yozish uchun tizimga kiring.