So‘nggi kunlarda ijtimoiy tarmoqlarda 2026/2027-o‘quv yilidan boshlab tibbiyot yo‘nalishlarida super-kontrakt bekor qilingani haqida xabarlar tarqalmoqda. Biroq amaldagi qonunchilik hujjatlari bunday tartib hali kuchga kirmaganini ko‘rsatmoqda.
Gap joriy yil mart oyida jamoatchilik muhokamasiga qo‘yilgan "Tibbiyot va farmatsevtika ta'limi sohasida kadrlarni tayyorlash tizimini takomillashtirish chora-tadbirlari to‘g‘risida"gi qaror loyihasi haqida bormoqda.
Qaror loyihasida nimalar nazarda tutilgan edi?
Reklama
Loyihaga ko‘ra, 2026/2027-o‘quv yilidan:
- tibbiyot yo‘nalishlarida oshirilgan (super) kontrakt asosida talabalikka qabul qilish tartibini bekor qilish;
- bakalavriatning tibbiyot yo‘nalishlariga qabul uchun minimal o‘tish balini 132,3 ball etib belgilash rejalashtirilgan edi.
Mazkur tartib kuchga kirganmi?
Yo‘q. InfoEdu.uz o‘rganishicha, ushbu hujjat qaror loyihasi sifatida jamoatchilik muhokamasiga qo‘yilgan bo‘lsa-da, keyinchalik amaldagi normativ-huquqiy hujjat sifatida qabul qilinmagan.
Shu sababli loyiha kuchga kirmagan va unda nazarda tutilgan o‘zgarishlar amaliyotga tatbiq etilmagan.
Hozirgi tartib qanday?
Amaldagi qonunchilikka ko‘ra, tibbiyot yo‘nalishlarida abituriyentlar hamda o‘qishini ko‘chirmoqchi bo‘lgan talabgorlar uchun oshirilgan (super) kontrakt asosida talabalikka qabul qilish tartibi saqlanib qolmoqda.
Rasmiy tartib o‘zgarmaguncha, tibbiyot yo‘nalishlari bo‘yicha super-kontrakt bekor qilingan deb hisoblanmaydi.
Izohlar (0)
Izoh yozish uchun tizimga kiring.