Texnikum bitiruvchilari OTMga qanday qabul qilinadi?
Hukumat qaroriga ko‘ra, texnikumlarni muvaffaqiyatli tamomlagan bitiruvchilar oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilinadi. Ushbu tartib joriy yilgi qabul jarayonlarida ham o‘z kuchida qolmoqda.
Texnikum bitiruvchilari uchun asosiy talablar
Bitiruvchi o‘qishni muvaffaqiyatli yakunlagan deb hisoblanishi uchun quyidagi shartlarga javob berishi kerak:
- O‘quv semestrlari yakuniga ko‘ra baholar 5 (a’lo) va 4 (yaxshi) bo‘lishi;
- O‘zlashtirish ko‘rsatkichining kamida 50 foizi (tibbiyot yo‘nalishlarida kamida 85 foizi) 5 (a’lo) baho bo‘lishi kerak.
Talablar haqida qo‘shimcha ma'lumotlar uchun kirish ballari yo'nalishlar kesimida sahifasiga o‘tishingiz mumkin.
Kredit-modul tizimi va 2-kursga qabul
2023/2024-o‘quv yilidan boshlab texnikumlarda kredit-modul tizimi joriy etildi. Endilikda talabalar OTMga suhbat asosida ikkinchi kursdan o‘qishga kirishlari uchun belgilangan miqdordagi kreditni to‘plashlari shart. Faqat yetarli kreditga ega bo‘lgan bitiruvchilargina suhbat bosqichiga yo‘llanma oladi.
Suhbat bosqichi va kontrakt asosida o‘qish
Suhbatdan muvaffaqiyatli o‘tgan abituriyentlar tegishli yo‘nalishlar bo‘yicha to‘lov-kontrakt asosida o‘qishga qabul qilinadi. Bu jarayon haqida batafsil ma'lumot olish uchun abituriyentlar uchun ruknidagi ma'lumotlar bilan tanishib chiqing.
Batafsil ma'lumot uchun infoedu.uz saytiga tashrif buyuring.
Izohlar (0)
Izoh yozish uchun tizimga kiring.