HEMIS axborot tizimi uchun yangi Telegram-bot ishga tushdi
Oliy ta’lim, fan va innovatsiyalar vazirligi talabalar uchun qulaylik yaratish maqsadida HEMIS axborot tizimining rasmiy Telegram-botini taqdim etdi. Endilikda o‘quv jarayoniga oid ma’lumotlarni masofadan turib, tezkor olish imkoniyati mavjud.
Telegram-bot orqali qanday ma'lumotlarni olish mumkin?
Ushbu Telegram-bot orqali talabalar o‘z shaxsiy kabinetlariga bog‘langan holda quyidagi xizmatlardan foydalanishlari mumkin:
- Reyting daftarchasi va transkript ma’lumotlari;
- Joriy dars jadvallari;
- O‘zlashtirish ko‘rsatkichlari (baholar);
- Fanlar bo‘yicha topshiriqlar va elektron resurslar.
Barcha talabalar uchun yaratilgan ushbu qulaylik o‘quv jarayonini yanada shaffoflashtirishga xizmat qiladi.
Botdan foydalanish uchun uni ishga tushirib, universitetni tanlang va HEMIS tizimidagi login hamda parolingizni kiriting.
Mobil ilova imkoniyatlari
Shuningdek, HEMIS tizimining mobil ilovasi ham mavjud bo‘lib, uni AppStore yoki GooglePlay orqali yuklab olishingiz mumkin. Oliy o‘quv yurtlari haqidagi so‘nggi yangiliklarni kuzatib boring.
Batafsil ma’lumot uchun infoedu.uz saytiga tashrif buyuring.
Izohlar (0)
Izoh yozish uchun tizimga kiring.