Super-kontrakt to‘lovida 4 ballgacha bo‘lganlarga chegirma berilmaydi
Talabalar va abituriyentlar uchun muhim yangilik e’lon qilindi. Joriy yilda tabaqalashtirilgan (super) to‘lov-kontrakt qiymatini 2024-yil 15-oktabriga qadar to‘liq to‘lagan abituriyentlar uchun 10 foiz miqdorida chegirma berilmoqda. Biroq, bu chegirma barcha uchun amal qilmaydi.
Kimlarga chegirma berilmaydi?
Ushbu 10 foizlik chegirma faqat 56,7 balldan ko‘p to‘plagan, lekin kirish baliga 4,05 ball yetmay qolib, o‘qishdan yiqilgan abituriyentlarga nisbatan qo‘llanadi. 4 ballgacha bo‘lgan shkaladagi abituriyentlarga esa hech qanday chegirma taqdim etilmaydi.
Super-kontrakt shkalasi va to‘lov tartibi
Eslatib o‘tamiz, o‘tish ballari va super-kontraktning 4 ballgacha bo‘lgan shkalasi quyidagicha taqsimlangan:
- O‘tish baliga 1,05 ballgacha yetmaganlar uchun – bazaviy kontraktning 1,5 barobari;
- 1,06 balldan 2,05 ballgacha — 2 barobari;
- 2,06 balldan 3,05 ballgacha — 2,5 barobari;
- 3,06 balldan 4,05 ballgacha — 3 barobari.
Mana shu toifadagi abituriyentlar, garchi birdaniga 100% to‘lov qilsa ham, ularga chegirma mavjud emas. Shu sababli, kontraktning 50 foizini to‘lab, qolgan qismini o‘quv yili davomida bo‘lib to‘lash imkoniyatidan foydalanish tavsiya etiladi.
Eslatma: 4,05 ball bilan 4,5 ballning farqi katta. Kirish chizig‘iga 4,1 ball va undan ko‘p yetmagan abituriyentlar yuqoridagi 4 ballik shkalaga tushmaydi. Bu yangilik sizga qanday ta’sir qildi? Fikringizni yozib qoldiring.
Izohlar (0)
Izoh yozish uchun tizimga kiring.