O‘zbekistonda ishlayotgan talabalar soni maʼlum qilindi

O‘zbekistonda ishlayotgan talabalar statistikasi

Kambag‘allikni qisqartirish va bandlik vazirligi tomonidan eʼlon qilingan yangi maʼlumotlarga ko‘ra, bugungi kunda O‘zbekistonda rasman faoliyat yuritayotgan talabalar soni 113 724 nafarni tashkil etmoqda. Ushbu ko‘rsatkich yoshlarning taʼlim bilan bir qatorda mehnat bozorida ham o‘z o‘rnini topayotganini ko‘rsatadi.

Talabalarning ish bilan bandlik ko‘rsatkichlari

Statistik maʼlumotlarga ko‘ra, ishlayotgan talabalarning taqsimoti quyidagicha:

• Davlat tashkilotlarida: 62 707 nafar (55,1%);
• Xususiy sektor va subyektlarda: 47 235 nafar (41,6%);
• Ikkala sektorda: 3 782 nafar.

Jins kesimida tahlil qilinganda, ishlayotgan talabalarning 66 524 nafarini erkaklar, 47 200 nafarini esa ayollar tashkil etadi.

Toshkent shahri yetakchilik qilmoqda

Hududlar kesimida poytaxt talabalari ish bilan bandlik bo‘yicha peshqadamlik qilmoqda. Toshkent shahrida jami 35 864 nafar talaba mehnat faoliyati bilan shug‘ullanadi. Ulardan 25 226 nafari erkaklar va 10 638 nafari ayollardir.

Taʼlim tizimidagi yangiliklar va talabalar uchun foydali maʼlumotlarni kuzatib boring. Shuningdek, oliy taʼlim muassasalari haqida batafsil maʼlumotlar uchun oliygohlar kirish ballari sahifasiga tashrif buyurishingiz mumkin.