O‘quv markazi ochish uchun subsidiya ajratish boshlandi
Qishloq hududlarida chet tillarini o‘rgatishga ixtisoslashgan nodavlat ta’lim tashkilotlarini qo‘llab-quvvatlash maqsadida davlat subsidiyalari ajratilmoqda. Agar siz ham ta’lim sohasida o‘z biznesingizni boshlamoqchi bo‘lsangiz, bu ayni muddao.
Arizalarni har chorakning birinchi oyi 10-sanasiga qadar Yagona portal orqali yuborish lozim. Navbatdagi muddat — 10-aprel.
Subsidiya nimalar uchun ajratiladi?
Davlat tomonidan ajratiladigan mablag‘lar quyidagi maqsadlarga yo‘naltirilishi mumkin:
- O‘quv markazi binolarini zamonaviy IT texnologiyalar, mebel va o‘qitish vositalari bilan jihozlash;
- Darsliklar va o‘quv-metodik adabiyotlar xarid qilish;
- Pedagog kadrlar mehnatiga haq to‘lash.
Ta’lim sifatini oshirishda pedagog kadrlar attestatsiyasi hamda abituriyentlar uchun yaratilgan resurslardan foydalanish o‘quv markazlari faoliyatini samarali yo‘lga qo‘yishga yordam beradi.
Kerakli hujjatlar ro‘yxati
Subsidiya olish uchun quyidagi hujjatlar taqdim etilishi shart:
- 2 yilga mo‘ljallangan biznes reja;
- Xo‘jalik shartnomalari;
- Pedagoglar bilan tuzilgan mehnat shartnomalari;
- O‘qituvchilarning xorijiy tilni bilish sertifikatlari;
- Bino yoki o‘quv xonasi ijara shartnomasi.
Xizmatdan foydalanish bepul. Arizalarni Yagona portal orqali yuborishingiz mumkin. Navbatdagi imkoniyat iyul oyida bo‘ladi.
Izohlar (0)
Izoh yozish uchun tizimga kiring.