Umumiy o‘rta ta'lim maktablarida faoliyat yuritayotgan oliy malaka toifasiga ega pedagoglar uchun maqsadli magistraturaga hujjatlar qabuli boshlandi.
Vazirlar Mahkamasi qarori asosida joriy etilgan ushbu tizim oliy toifali o‘qituvchilarga pedagogika yo‘nalishida masofaviy shaklda magistratura bosqichida tahsil olish imkonini beradi.
Hujjatlar qachongacha qabul qilinadi?
Reklama
Arizalar 10-iyuldan 10-avgustga qadar quyidagi platformalar orqali qabul qilinadi:
Kimlar maqsadli magistraturada tahsil olishi mumkin?
Mazkur dastur faqat umumiy o‘rta ta'lim maktablarida faoliyat yuritayotgan oliy malaka toifasiga ega pedagoglar uchun mo‘ljallangan.
Maktabgacha ta'lim tashkilotlarida faoliyat yuritayotgan tarbiyachilar ushbu tizim doirasida o‘qishga qabul qilinmaydi.
O‘qish qayerda va qanday tashkil etiladi?
Darslar Nizomiy nomidagi O‘zbekiston milliy pedagogika universitetida 2026/2027-o‘quv yilidan boshlanadi.
Ta'lim jarayoni masofaviy shaklda tashkil etiladi. Shu sababli pedagoglar ishdan ajralmagan holda magistratura bosqichida tahsil olishlari mumkin.
Hujjat topshirish uchun nimalar talab etiladi?
Nomzodlardan quyidagi hujjatlar talab qilinadi:
- bakalavr diplomi;
- chet tilini bilish sertifikati;
- oliy malaka toifasini tasdiqlovchi sertifikat.
Qaysi yo‘nalishlarda o‘qish mumkin?
Maqsadli magistratura doirasida 18 dan ortiq pedagogika mutaxassisligi bo‘yicha ta'lim olish imkoniyati yaratilgan.
Muhim shartlar
Maqsadli magistraturaga qabul qilingan pedagoglar o‘qishni tamomlagach, 3 yil davomida umumiy o‘rta ta'lim maktabida ishlab berish majburiyatini oladi.
Shuningdek, ushbu maqsadli magistraturaga kontrakt asosida qabul qilingan xotin-qizlarning to‘lov-kontrakti davlat budjeti mablag‘lari hisobidan qoplab berilmaydi.
InfoEdu.uz o‘rganishicha, mazkur dastur doimiy asosda yo‘lga qo‘yilishi rejalashtirilgan bo‘lib, kelgusi o‘quv yillarida ham davom ettirilishi ko‘zda tutilgan.
Izohlar (0)
Izoh yozish uchun tizimga kiring.