Namanganlik o‘quvchi 18 ta xorijiy OTM talabasiga aylandi
Namangan shahridagi 1-davlat ixtisoslashtirilgan umumtaʼlim maktab-internatining 11-sinf o‘quvchisi Hikmatilla Xudoyberdiyev muddatidan avval 18 ta xorijiy OTM talabasiga aylandi. U yana 20 ta universitetdan javob kutmoqda.
Hikmatilla Xudoyberdiyev, Namangan shahridagi 1-DIMI 11-sinf o‘quvchisi. Foto: “Daryo” / Jahongir Akramov
Muvaffaqiyat siri: Matematika va ingliz tili
Hikmatilla Namangan viloyatining Uychi tumanidagi Jiydakapa qishlog‘idan. U o‘z ustida tinimsiz ishlash orqali yuqori natijalarga erishdi. Abituriyentlar uchun motivatsiya bo‘la oladigan ushbu yigit matematika va ingliz tilini chuqur o‘zlashtirgan.
“Matematikaga qiziqishim baland edi. Yuqori sinflarga o‘tgandan so‘ng chet tillar, xususan, ingliz tiliga qiziqishim ortdi. Bu tilni chuqur egallamay turib, yetakchi oliy o‘quv yurtlarida o‘qish haqida orzu qilish befoyda ekanligini anglab yetdim”, — deydi Hikmatilla.
Xalqaro natijalar va grantlar
Qahramonimiz matematika va ingliz tilidan 1310 ball to‘plab, xalqaro SAT sertifikatiga ega bo‘ldi. U AQSHning bir qator nufuzli universitetlari, jumladan, Sinsinati, Arizona, Kolorado, Minnesota va Buffalo universitetlariga qabul qilindi. Talaba bo‘lish istagidagi yoshlar uchun uning yo‘li katta o‘rnakdir. Jami 1,3 million dollar miqdoridagi grant sohibi bo‘lgan yigit hali yana 20 ta universitetdan javob kutmoqda.
Hikmatilla Xudoyberdiyev. Foto: “Daryo” / Jahongir Akramov
Maʼlumot uchun, Namangan shahridagi 1-DIMI mamlakatdagi ilk iqtidorli bolalar maktablaridan biri hisoblanadi. 1990-yilda tashkil etilgan ushbu maktabni shu paytgacha 2,5 mingdan ortiq o‘quvchi bitirib chiqdi.
Manba: infoedu.uz sayti maʼlumotlari asosida tayyorlandi.
Izohlar (0)
Izoh yozish uchun tizimga kiring.