Ilmiy tadqiqot va tijoratlashtirish sifatini oshirish dasturi
O‘zbekiston Respublikasi Innovatsion rivojlanish vazirligi Jahon banki bilan hamkorlikda "O‘zbekiston Milliy innovatsion tizimini modernizatsiya qilish" loyihasi doirasida yangi grant tanlovini e’lon qiladi. Ushbu tashabbus mahalliy va xalqaro tadqiqotchilarning ilmiy salohiyatini yuksaltirishga qaratilgan.
Kimlar ishtirok etishi mumkin?
Dastur doirasida quyidagi grant turlari taqdim etiladi:
- Yosh olimlar uchun grantlar (Junior research grant): 200 000 dollargacha.
- Katta ilmiy xodimlar uchun grantlar (Senior research grant): 600 000 dollargacha.
Grantlar 24 oygacha bo‘lgan muddatga ajratiladi. Loyihalar ijtimoiy-iqtisodiy ahamiyatga ega bo‘lishi hamda ilmiy yutuqlarga asoslanishi kerak.
Ustuvor yo‘nalishlar
Tanlov quyidagi sohalardagi innovatsion loyihalarni qamrab oladi:
- Qayta tiklanuvchi energiya va energiya samaradorligi;
- Biotexnologiyalar, tibbiyot va sog‘liqni saqlash;
- Qishloq xo‘jaligi, sun’iy intellekt va AKT;
- Past uglerodli texnologiyalar.
Qanday qilib ariza topshirish kerak?
Loyihalar wbgrants.mininnovation.uz portali orqali ingliz tilida qabul qilinadi. Ilmiy faoliyat bilan shug‘ullanuvchi talabalar va tadqiqotchilar uchun bu katta imkoniyatdir. Shuningdek, ilmiy darajangizni oshirish va pedagog kadrlar attestatsiyasi jarayonlarida muvaffaqiyat qozonishda bunday loyihalar muhim ahamiyat kasb etadi.
Barcha savollar yuzasidan loyihani amalga oshirish guruhiga quyidagi manzil orqali murojaat qilishingiz mumkin:
Tel: +99897 170 67 84; E-mail: [email protected]
Izohlar (0)
Izoh yozish uchun tizimga kiring.