Arxitektura talabalari uchun €5,000 yutish imkoniyati

Arxitektura yo‘nalishi talabalari uchun xalqaro fototanlov

Aarhus School of Architecture xalqaro maktabi arxitektura yo‘nalishida tahsil olayotgan talabalarni qo‘llab-quvvatlash maqsadida har yili an’anaviy Photo Of The Year tanlovini o‘tkazadi. Bu yilgi tanlov Architectural Landscapes (Arxitektura landshaftlari) mavzusiga bag‘ishlangan.

Tanlov mukofotlari va shartlari

Tanlovda g‘olib bo‘lgan ishtirokchilar quyidagi pul mukofotlari bilan taqdirlanadilar:

• 1-o‘rin: €5,000
• 2-o‘rin: €2,000
• 3-o‘rin: €1,000

Tanlovda qatnashish mutlaqo bepul. Ishtirokchilar ariza topshirish jarayonida 5 tagacha surat yuklashlari kerak. Har bir surat hajmi 20MB dan oshmasligi talab etiladi.

Qanday qatnashish kerak?

Tanlovda ishtirok etish uchun rasmiy ro‘yxatdan o‘tish sahifasiga tashrif buyuring. Ariza topshirishning so‘nggi muddati: 18-oktyabr. Natijalar 29-oktyabr kuni e’lon qilinadi.

Agar siz arxitektura yo‘nalishida o‘qishni rejalashtirayotgan bo‘lsangiz, kirish ballari yo‘nalishlar kesimida ma’lumotlar bilan tanishishingiz mumkin. Shuningdek, talabalar uchun foydali maslahatlar va yangiliklardan xabardor bo‘lish uchun saytimizni kuzatib boring.

Tanlov bo‘yicha batafsil ma’lumot olish uchun rasmiy havolaga o‘ting yoki [email protected] elektron manzili orqali bog‘laning.