Atlantic Fellows: AQSHda to‘liq moliyalashtirilgan dastur

Atlantic Fellows for Health Equity: AQSHda bepul o‘qish imkoniyati

Sog‘liqni saqlash sohasida o‘z malakasini oshirishni istagan mutaxassislar uchun ajoyib yangilik! The Atlantic Fellows for Health Equity dasturi nomzodlarga AQSHning Jorj Vashington universitetida bilim olish va tajriba almashish imkonini beradi.

Dasturning afzalliklari

Ushbu dastur to‘liq moliyalashtiriladi va quyidagi imtiyozlarni taqdim etadi:

• Barcha xalqaro va mahalliy sayohat xarajatlari qoplanadi;
• Yil davomida 4 ta nufuzli anjumanda ishtirok etish imkoniyati;
• Bir yilda 2 marotaba AQSHga borib kelish xarajatlari to‘liq qoplanadi.

Muhim sanalar

Dasturga qabul jarayoni quyidagi muddatlarda amalga oshiriladi:

• Ariza ochilishi: 1-mart
• Ariza yopilishi: 1-may
• Suhbatning 1-bosqichi: Iyun
• Suhbatning 2-bosqichi: Iyul
• Natijalar e’lon qilinishi: Avgust oyigacha

Nomzodlar uchun talablar va hujjatlar

Dasturda barcha davlat fuqarolari, jumladan tadbirkorlar va tashkilot rahbarlari ishtirok etishi mumkin. Asosiy talablar:

• Ingliz tilini mukammal darajada bilish;
• Bir yilda ikki marta Vashingtonga safar qilish imkoniyati;
• Qiziqish bayonoti (maksimal 500 so‘z);
• Project proposal (loyihaviy taklif);
• Ish beruvchining qo‘llab-quvvatlov xati;
• 2 ta tavsiyanoma va rezyume (CV).

Ariza topshirish jarayoni va batafsil ma’lumotlar bilan rasmiy sahifa orqali tanishib chiqishingiz mumkin. Agar texnik muammolarga duch kelsangiz, bu yerga murojaat qiling.

Ta’lim sohasidagi yangiliklarni kuzatib borish uchun talabalar uchun mo‘ljallangan ruknimizni va barcha maqolalar sahifasini muntazam kuzatib boring.