Apellyatsiya so'zini eshitganda ko'pchilik abituriyentning qalbida qo'rquv paydo bo'ladi: "Agar yutqazsam, ballim kamayib qoladimi?" Shu sababli kimdir natijaga norozi bo'lsa ham, shikoyat berishdan tortinadi. Lekin bu xavotir asossiz.
Apellyatsiya berish mutlaqo bepul va unda yutqazsangiz ham balingiz aslo kamaytirilmaydi. Ya'ni eng yomon holatda ham natijangiz o'zgarishsiz qoladi, eng yaxshisida esa ballingiz oshishi mumkin.
Qachon va qanday beriladi?
Reklama
Tartibga ko'ra, kirish test sinovlari natijasidan norozi bo'lgan abituriyentlar yakuniy tanlov natijalari e'lon qilingan kundan boshlab 10 kun davomida apellyatsiya shikoyati berishlari mumkin.
Arizalar my.uzbmb.uz sayti orqali abituriyentning shaxsiy kabinetida onlayn tarzda qabul qilinadi — soliq idorasiga borish, navbatda turish shart emas.
Kimlar apellyatsiya bera olmaydi?
Abituriyent apellyatsiya shikoyati berishi uchun test sinovida ishtirok etgan va test sinovidan chetlashtirilmagan bo'lishi lozim. Ya'ni testga kirmagan yoki qoidalarni buzgani uchun chetlashtirilganlar bu imkoniyatdan foydalana olmaydi.
Avvalroq apellyatsiya arizalarini topshirish tartibi haqida batafsil yozgan edik. InfoEdu.uz abituriyentlar uchun muhim yangiliklarni yoritishda davom etadi.
Izohlar (0)
Izoh yozish uchun tizimga kiring.