Angliyada magistratura: 41 300 dollarlik grant yutib oling

Angliyada ta'lim: Sasseks universitetida magistratura granti

O'zbekistonlik iqtidorli talabalar uchun ajoyib imkoniyat! Angliyaning nufuzli Sasseks universitetida magistratura bosqichida o'qish uchun qariyb 26 000 AQSH dollarlik grant va 15 300 AQSH dollarlik stipendiya dasturi e'lon qilindi.

Sasseks universiteti haqida

Sasseks universiteti Angliyaning Brayton va Xov shaharlari yaqinida joylashgan yetakchi tadqiqot universitetidir. Universitet THE (Times Higher Education) xalqaro reytingida #160-o'rinni egallab turibdi. Agar siz kelajakda xorijda o'qishni rejalashtirayotgan bo'lsangiz, abituriyentlar uchun foydali ma'lumotlarni o'rganib chiqishni tavsiya qilamiz.

IDS Graduate Scholarship dasturining imtiyozlari

Ushbu grant dasturi rivojlanayotgan mamlakatlar fuqarolari, shu jumladan O'zbekistonlik talabalar uchun mo'ljallangan. G'oliblar quyidagi moliyaviy yordamga ega bo'lishadi:

• O'qish to'lovi uchun 18 500 funtgacha (qariyb 26 000 AQSH dollari);
• Yashash xarajatlari uchun 11 000 funtgacha (taxminan 15 300 AQSH dollari).

Nomzodlarga qo'yiladigan talablar

Grantga ariza topshirish uchun nomzodlar quyidagi mezonlarga javob berishlari kerak:

• Akademik ko'rsatkichlari yuqori bo'lishi va rivojlanish sohasida yutuqlarga erishgan bo'lishi;
• O'z mamlakatining ijtimoiy-iqtisodiy rivojlanishiga hissa qo'shish istagi;
• Ingliz tili darajasini tasdiqlovchi xalqaro sertifikatga ega bo'lish;
• Universitetning qabul talablariga to'liq mos kelish.

Ariza topshirish tartibi

1. Sasseks universitetining IDS magistratura dasturiga rasmiy sayt orqali ariza topshirish va shartsiz qabul xatini olish.
2. Grant dasturi uchun onlayn arizani ushbu havola orqali 30-aprel sanasiga qadar yuborish.

Grantlar va xalqaro imkoniyatlar haqida ko'proq ma'lumot olish uchun talabalar uchun ruknimizni kuzatib boring. Eslatib o'tamiz, grantni qo'lga kiritgan nomzodlar 31-iyulgacha xabardor qilinadi.