ChatGPT 2026 yilning birinchi yarmida 5,3 milliarddan ortiq veb-tashrif bilan sun'iy intellekt vositalari orasida eng yuqori ko'rsatkichni qayd etdi. Gemini va Claude kuchli uchlikdan joy oldi. Reyting AITools.xyz tomonidan SEMrush va Ahrefs ma'lumotlari asosida tuzilgan. InfoEdu.uz kuzatuviga ko'ra, bunday globale reytinglar o'qituvchi va o'quvchilarning qaysi vositaga tayanishini belgilashda amaliy mo'ljal bo'lib xizmat qiladi.
2026 yil iyun oyi yakunlariga ko'ra tuzilgan reytingda faqat veb-saytlarga qilingan tashriflar hisobga olingan, mobil ilovalar va API orqali foydalanish statistikasi kiritilmagan. Eslatib o'tamiz, O'zbekistonda ham 100 dan ortiq sun'iy intellekt loyihasi ishga tushirilishi rejalashtirilgan.
ChatGPT umumiy tashriflarning 53 foizini egalladi
Reklama
Kuchli uchlik quyidagicha ko'rinish oldi: ChatGPT 5,32 milliard, Gemini 1,14 milliard, Claude 967,91 million tashrif. Keyingi o'rinlarni Canva 759,76 million, Google Translate 343,02 million va DeepSeek 318,81 million tashrif bilan egallagan. Dastlabki 15 vositaning umumiy veb-tashriflari ichida ChatGPT ulushi qariyb 53 foizni tashkil etadi.
AQSH kompaniyalari reytingda ustunlik qildi
Reytingdagi 15 vositaning 12 tasi AQSH kompaniyalariga tegishli. AQSHdan tashqaridagi eng yuqori natija Avstraliyaning Canva platformasiga nasib etgan — 759,76 million tashrif bilan 4-o'rin. Xitoyning DeepSeek platformasi 318,81 million tashrif bilan 6-o'rinda, Ispaniyaning Magnific vositasi 116,84 million tashrif bilan 11-o'rinda qayd etilgan. Virtual personajlar bilan muloqotga mo'ljallangan JanitorAI va CharacterAI umumiy hisobda qariyb 339 million tashrif bilan yuqori qismdan joy olgan. Google reytingda ikkita vositasi — Gemini va Google Translate bilan, Microsoft esa Copilot bilan ishtirok etgan.
To'liq reyting jadvali
| Reyting | SI vositasi | Mamlakat | Oylik tashrif (iyun, 2026) |
|---|---|---|---|
| 1 | ChatGPT | AQSH | 5 320 000 000 |
| 2 | Gemini | AQSH | 1 140 000 000 |
| 3 | Claude | AQSH | 967 910 000 |
| 4 | Canva | Avstraliya | 759 760 000 |
| 5 | Google Translate | AQSH | 343 020 000 |
| 6 | DeepSeek | Xitoy | 318 810 000 |
| 7 | Grok | AQSH | 189 890 000 |
| 8 | JanitorAI | AQSH | 173 170 000 |
| 9 | Character AI | AQSH | 165 460 000 |
| 10 | Perplexity | AQSH | 140 700 000 |
| 11 | Magnific (Freepik) | Ispaniya | 116 840 000 |
| 12 | Notion | AQSH | 110 640 000 |
| 13 | Zoom | AQSH | 96 240 000 |
| 14 | Microsoft Copilot | AQSH | 92 720 000 |
| 15 | Suno | AQSH | 81 840 000 |
Izohlar (0)
Izoh yozish uchun tizimga kiring.