Abituriyentlar uchun kutilgan muhim yangilik! 2026/2027-o‘quv yili uchun bakalavriat ta’lim yo‘nalishlari va ularga mos test sinovi (kasbiy yoki ijodiy imtihon) topshiriladigan fanlar majmuasi rasman tasdiqlandi. Jami 227 ta yo‘nalish bo‘yicha fanlar ro‘yxati e’lon qilindi.
Asosiy o‘zgarishlarga to‘xtalsak:
- Arxitektura yo‘nalishida ikkinchi fan endi ona tili emas, balki kasbiy (ijodiy) imtihon bo‘ladi.
- Xorijiy til va adabiyoti yo‘nalishlarida aniq til nomlari o‘rniga umumiy “chet tili” fani kiritildi.
- Tarjima yo‘nalishiga dariy, fors, ispan va pushtu kabi yangi tillar qo‘shildi.
- San’at yo‘nalishlarida endi ikkala fan ham ijodiy (kasbiy) imtihon shaklida o‘tkaziladi.
- Muhandislik sohasida yangi yo‘nalishlar ochilib, ularning asosiy fanlari matematika va fizika etib belgilandi.
Eslatib o‘tamiz, iqtisodiyot, tibbiyot va huquqshunoslik yo‘nalishlaridagi fanlar majmuasi o‘zgarishsiz qoldirilgan.
Izohlar (0)
Izoh yozish uchun tizimga kiring.