2025-yil uchun maktablar shtatlar jadvali va tarifikatsiya tartibi
Maktabgacha va maktab ta’limi vazirligi hamda Iqtisodiyot va moliya vazirligi tomonidan 2025-yil uchun sinf komplektlari, tarifikatsiya ro‘yxatlari, shtatlar jadvali va xarajatlar smetasini shakllantirish bo‘yicha qo‘shma xat e’lon qilindi. Mazkur jarayon Vazirlar Mahkamasining 2024-yil 31-oktyabrdagi 722-sonli qarori asosida amalga oshiriladi.
Jarayon bo‘yicha asosiy bosqichlar va muddatlar
- Sinf komplektlarini shakllantirish: 2024-2025-o‘quv yili uchun sinflar me’yorlar asosida qayta ko‘rib chiqiladi. Muddat: 13-dekabr.
- Pedagog kadrlar ro‘yxati: Pedagog kadrlar attestatsiyasi hamda milliy sertifikatga ega mutaxassislar ro‘yxati erp.maktab.uz tizimida shakllantiriladi. Muddat: 16-dekabr.
- Tarifikatsiya ro‘yxatlari: Umumta’lim maktablarining tarifikatsiya ro‘yxatlari tasdiqlanadi. Muddat: 18-dekabr.
- Shtatlar jadvali: Qonunchilik me’yorlariga asosan shakllantiriladi. Muddat: 20-dekabr.
- Xarajatlar smetasi: 2025-yil uchun moliyaviy smeta vazirlikka taqdim etiladi. Muddat: 23-dekabr.
Budjet mablag‘laridan samarali foydalanish
Ushbu chora-tadbirlar maktab va davlat maktabgacha ta’lim tashkilotlarida budjet mablag‘larini tejash, sinflarni to‘g‘ri komplektlash va pedagog kadrlar faoliyatini tartibga solishga xizmat qiladi. Belgilangan muddatlarga qat’iy rioya qilinishi talab etiladi.
Manba: infoedu.uz sayti ma’lumotlari asosida tayyorlandi.
Izohlar (0)
Izoh yozish uchun tizimga kiring.