Talabalar turar joyiga joylashish uchun ariza berish xizmati 1-bosqich talabalari uchun ham ishga tushirildi. 2026/2027-o‘quv yilida 1-bosqichga tavsiya etilgan abituriyentlar 18-avgustdan boshlab ariza topshirishi mumkin, deya xabar bermoqda Xalq ta’limi vazirligi.
Arizani qayerda topshirish mumkin?
Ariza Davlat xizmatlari markazlari yoki my.gov.uz portali orqali topshiriladi. Talabalar turar joylariga joylashtirish belgilangan tartib va mavjud o‘rinlardan kelib chiqqan holda amalga oshiriladi.
Reklama
Joylar qanday taqsimlanadi?
Reglamentga muvofiq, dastlab imtiyoz va ustuvorliklarga ega talabgorlar talabalar turar joylariga qabul qilinadi. Shundan so‘ng umumiy ro‘yxatdagi talabalar uchun yotoqxonada ortib qolgan o‘rinlar soniga nisbatan navbat asosida taqsimlanadi. Jumladan, 1-kurs talabalari uchun 55–65 foizgacha joy ajratiladi.
Avvalroq 1-kurs talabalari yotoqxonaga qachon ariza topshirishi haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.