Dunyoning 110 mamlakatidan 2 mingdan ortiq oliy ta'lim muassasasi ishtirok etgan UI GreenMetric xalqaro reytingi natijalari e'lon qilindi. Ushbu nufuzli ro'yxatdan O'zbekistonning 89 ta oliy ta'lim tashkiloti joy oldi.
Mamlakatimiz oliygohlari orasida eng yuqori ko'rsatkichni Toshkent davlat yuridik universiteti qayd etib, jahon reytingida 132-o'rinni egalladi va milliy reytingda birinchi bo'ldi.
Top o'ntalikka kirgan oliygohlar ro'yxati
Reklama
O'zbekistondan ishtirok etgan muassasalar orasida eng yuqori natijani ko'rsatgan 10 ta yetakchi oliygoh ro'yxati shakllantirildi:
- Toshkent davlat yuridik universiteti — 132-o'rin;
- Alisher Navoiy nomidagi Toshkent davlat o'zbek tili va adabiyoti universiteti — 314-o'rin;
- Qarshi davlat universiteti — 327-o'rin;
- Andijon davlat texnika instituti — 367-o'rin;
- Farg'ona davlat universiteti — 368-o'rin;
- Toshkent davlat transport universiteti — 388-o'rin;
- Buxoro davlat universiteti — 396-o'rin;
- Islom Karimov nomidagi Toshkent davlat texnika universiteti — 405-o'rin;
- Samarqand davlat universiteti — 485-o'rin;
- Termiz iqtisodiyot va servis universiteti — 486-o'rin.
Barqaror kampus va ekologik ko'rsatkichlar tahlili
UI GreenMetric World University Rankings oliy ta'lim muassasalarining barqaror rivojlanish hamda ekologik mas'uliyat sohasidagi faoliyatini baholaydi. Baholash jarayonida energiya tejamkorligi, iqlim o'zgarishiga qarshi choralar, chiqindilar va suv resurslarini boshqarish hamda raqamlashtirish darajasi kompleks tahlil qilinadi.
2026-yilgi reytingning bosh mavzusi boshqaruv va raqamlashtirish orqali barqaror kampuslarni rivojlantirishga qaratilgan.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring