Avtobusda yo‘lkira to‘lamaslik jarimasi keskin oshishi mumkin. Qonunchilik palatasiga kiritilgan taklifga ko‘ra, birinchi marta yo‘l haqini to‘lamaganlik uchun BHMning yarim baravari — 1-sentyabrdan hisoblaganda 220 ming so‘m miqdorida jarima belgilanishi ko‘zda tutilmoqda, deya xabar bermoqda Transport vazirligi.
Yangi jarima miqdorlari qanday?
Taklifga binoan, yo‘lkira to‘lamaslik birinchi marta sodir etilsa — BHMning yarim baravari (220 ming so‘m), takroran sodir etilsa — bir baravari (440 ming so‘m) miqdorida jarima qo‘llanadi.
Reklama
Amaldagi tartib qanday?
Hozirgi qoidalarga ko‘ra, yo‘lovchining trolleybusda, tramvayda, shahar ichida va shahar atrofiga qatnaydigan avtobusda chiptasiz yurishi BHMning 10 dan bir qismi — bugungi kunda 41 200 so‘m miqdorida jarimaga sabab bo‘ladi. Ya’ni taklif qabul qilinsa, jarima qariyb 5 barobarga oshadi.
1-sentyabrdan nima o‘zgaradi?
1-sentyabrdan yo‘lovchilar avtobusga chiqishi bilanoq yo‘l haqini to‘lashi shart bo‘ladi. Avvalroq jamoat transporti mavzusidagi Avtomobilsiz kun aksiyasi haqida yozgan edik.
InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.