14-sentabr kuni Toshkent metropolitenidan 1 million 165 ming 550 nafar yo'lovchi foydalandi — bu kunlik tashuvlar bo'yicha yangi rekord ko'rsatkich. “Toshkent metropoliteni” AJ ma'lumotiga ko'ra, talabning o'sishi oliy ta'lim muassasalarida barcha bosqich talabalari uchun yangi o'quv yili boshlanishi bilan bog'liq. Bu haqda metropolitenning rasmiy kanalida xabar berildi.
Rekord ko'rsatkichlar
| Sana | Yo'lovchilar soni |
|---|---|
| 14-sentabr 2026-yil (yangi rekord) | 1 165 550 nafar |
| 8-may 2026-yil (avvalgi eng yuqori ko'rsatkich) | 1 117 061 nafar |
| Farq | 48 489 nafar |
Reklama
Oktyabr oyi prognozi va yo'lovchi uchun sovg'a
Mutaxassislar tomonidan olib borilayotgan kuzatuv va tahlillarga ko'ra, yo'lovchilar oqimining o'sish tendensiyasi saqlanib qoladi. Xususan, oktabr oyida kunlik yo'lovchilar soni 1 200 000 nafarga yetishi kutilmoqda.
Shu bilan birga, metropoliten 1 200 000-yo'lovchini alohida aniqlash va unga maxsus imtiyoz yoki sovg'a taqdim etishni rejalashtirmoqda. Tashabbus yo'lovchilar uchun o'ziga xos rag'bat va ramziy voqea sifatida tashkil etilishi ko'zda tutilgan.
Harakat tarkibini yangilash
Yo'lovchilar oqimining ortishi sharoitida metropoliten harakat tarkibini bosqichma-bosqich yangilash ishlarini davom ettirmoqda. 2026-yil davomida xarid qilinib, olib kelinishi rejalashtirilgan 14 ta zamonaviy harakat tarkibining barchasi vagonlar parkiga yetkazib berilgan. Poyezdlar harakati yo'lovchilar oqimining real holatidan kelib chiqib tezkor muvofiqlashtirib borilmoqda.
Talabalar uchun metro bekati va qo'shimcha avtobus qatnovi haqida alohida maqolada yozilgan, Toshkentdagi oliygohlarda darslar jadvali esa bu materialda keltirilgan.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring