O‘qituvchilar uchun 30 ballik ustamalar: To‘liq ro‘yxat

O‘qituvchilar ustamasi uchun fan olimpiadalari va tanlovlar ro‘yxati

Maktabgacha va maktab taʼlimi vazirligining 2024-yil 14-fevraldagi 03-01/14-623-sonli xati asosida 2024-2025-o‘quv yilida o‘qituvchilarning bazaviy tarif stavkalariga har oylik ustamalar belgilashda inobatga olinadigan tadbirlar ro‘yxati eʼlon qilindi. Ushbu ro‘yxat pedagoglarning kasbiy mahoratini oshirish va ularni rag‘batlantirishga qaratilgan.

Shuningdek, o‘qituvchilar o‘z malakalarini tasdiqlash uchun pedagog attestatsiya jarayonlariga ham tayyorgarlik ko‘rishlari tavsiya etiladi.

I. Fan olimpiadalari

O‘qituvchilarning o‘quvchilarni tayyorlashdagi hissasi quyidagi nufuzli olimpiadalar orqali baholanadi:

• Asosiy fan olimpiadasi;
• Xalqaro Matematika (IMO), Fizika (IPhO), Kimyo (IChO), Biologiya (IBO) va Informatika (IOI) olimpiadalari;
• Xalqaro Jautikov, Mendeleev, Osiyo fizika (APhO) va informatika (APIO) olimpiadalari;
• Xalqaro geografiya (IGeo), matematika (IMC) va astronomiya (IAO) olimpiadalari;
• Al-Xorazmiy, Abu Rayhon Beruniy, Abu Ali Ibn Sino va Ahmad al-Farg‘oniy nomidagi xalqaro olimpiadalar.

II. Ko‘rik tanlovlar va musobaqalar

Ustamalar uchun inobatga olinadigan respublika miqyosidagi tanlovlar va sport musobaqalari:

• "Xorijiy tillarni o‘qitish bo‘yicha eng yaxshi maktab" tanlovi;
• "Yil sardori", "Kamalak yulduzlari" va "Kamalak bilimdonlari" ko‘rik-tanlovlari;
• "Zakovot" intellektual o‘yini;
• Sport musobaqalari: "Umid nihollari", "Besh tashabbus olimpiadasi", "Bolalar ligasi", "Maktab ligasi" (shaxmat), "Kurash" va harbiy sport musobaqalari;
• "Zulfiya" davlat mukofoti, "Jadidlar izidan" va "ECO-Schools" loyihalari.

Eslatma: Vazirlik tasarrufidagi fanlar bo‘yicha ko‘rik tanlovlar tegishli tartibda kelishilgan bo‘lishi shart. O‘quvchilaringizning kelgusi natijalari uchun DTM standartidagi test tizimi yordamida bilimlarini sinab borishingiz mumkin.

Manba: Maktabgacha va maktab taʼlimi vazirligining 2024-yil 14-fevraldagi 03-01/14-623-sonli xati.