Test sinovlari 23-iyulda yakunlanadi

2026-yilgi oliy ta'lim muassasalariga kirish test sinovlari 23-iyul kuni to'liq yakunlanadi. So'nggi kun — 23-iyul kuni o'tkazilgan test natijalari esa 24-iyul kuni e'lon qilinadi.

Test sinovlari yakunlangach, navbatdagi muhim bosqich — OTM va ta'lim yo'nalishlarini tanlash boshlanadi. Taxminlarga ko'ra, bu jarayon 25-iyuldan boshlanib, 15 kun davom etadi.

Bu bosqichda abituriyentlar o'z to'plagan ballaridan kelib chiqib, qaysi oliygoh va qaysi yo'nalishda o'qish istagini bildiradilar. Tanlov to'g'ri va puxta amalga oshirilishi kerak — aynan shu qaror abituriyentning keyingi 4 yillik ta'lim yo'nalishini belgilab beradi.

Test sinovlari davomida tushgan barcha savollar, natijalar va qabul jarayoniga oid eng muhim yangiliklarni InfoEdu.uz orqali kuzatib boring.