10 kunlik test marafoni nihoyasiga yetdi. 23-iyul kuni Test sinovlari yakunlandi — 2026/2027-o'quv yili uchun davlat oliy va kasbiy ta'lim muassasalariga kirish test sinovlari yakunlandi. Bu kun davomida test topshirishi belgilangan 664 609 nafar abituriyentdan 610 ming nafardan ortig'i ishtirok etdi — bu rejadagi ishtirokchilarning 91 foizdan ko'prog'i.
10 kunlik test sinovlari davomida tartib-qoidalarni buzgan 70 nafardan ortiq abituriyent jarayondan chetlatildi. Endi ikkinchi va eng muhim bosqich — OTM va ta'lim yo'nalishlarini tanlash.
Ikkinchi bosqich: 25-iyuldan 8-avgustgacha
Abituriyentlar 25-iyuldan 8-avgustgacha my.uzbmb.uz platformasi orqali o'zlari xohlagan OTM, ta'lim yo'nalishi va ta'lim shaklini tanlaydi. Beshtagacha yo'nalishni bir yoki turli OTMlar doirasida belgilash mumkin.
Yakuniy mandat natijalari esa tanlov to'liq yakunlanganidan so'ng bir hafta ichida e'lon qilinadi. InfoEdu.uz'da mandat natijalari chiqishi bilan birinchi bo'lib xabar beriladi.
Reklama
Izohlar (0)
Izoh yozish uchun tizimga kiring.