Kontrakt to‘lovini qoplash: 16,5 mln so‘mgacha imtiyoz
Ta’lim sohasidagi so‘nggi yangiliklarga ko‘ra, talabalarning kontrakt to‘lovlarini qoplash bo‘yicha muhim tartib joriy etilgan. Ushbu imtiyoz yoshlarning ta’lim olish imkoniyatlarini kengaytirishga qaratilgan.
Kontrakt to‘lovi qanday qoplanadi?
Davlat tomonidan kontraktning 50 foizigacha, biroq BHMning 50 baravaridan (16 mln 500 ming so‘m) oshmagan miqdorda yordam ko‘rsatiladi. Bu borada talabalar uchun foydali ma’lumotlar quyidagicha:
- Misol 1: Agar talabaning kontrakt summasi 40 mln so‘m bo‘lsa, uning yarmi 20 mln so‘mni tashkil etadi. Biroq, qoida bo‘yicha BHMning 50 baravari, ya’ni 16 mln 500 ming so‘mgacha qismi qoplab beriladi.
- Misol 2: Agar kontrakt 20 mln so‘m bo‘lsa, uning yarmi 10 mln so‘mni tashkil qiladi. Bu summa belgilangan limitdan oshmagani uchun to‘liq qoplab beriladi.
Kimlar ushbu imtiyozdan foydalana oladi?
Ushbu imtiyoz "Temir daftar" va "Yoshlar daftari"ga kiritilgan oilalar farzandlari uchun amal qiladi. Ular O‘zbekistondagi davlat, xususiy va xorijiy OTMlarda, shuningdek, texnikum va kollejlarda tahsil olayotgan bo‘lishi kerak. Imtiyoz bakalavriat (kunduzgi, sirtqi, kechki) va magistratura (faqat kunduzgi) bosqichlari uchun amal qiladi.
Eslatib o‘tamiz, kirish ballari yo'nalishlar kesimida tanishib chiqqan holda o‘z ta’lim yo‘nalishingizni to‘g‘ri belgilash muhim.
Muhim cheklovlar
Shuni yodda tutish kerakki, super kontrakt yoki ikkinchi mutaxassislik asosida o‘qiyotgan talabalarga ushbu imtiyoz tatbiq etilmaydi.
Qanday murojaat qilish kerak?
Kontrakt summasi "Yoshlar daftari" jamg‘armasi hisobidan to‘lanadi. Ariza tuman (shahar) yoshlar ishlari bo‘limiga topshirilishi lozim. Arizaga OTM bilan tuzilgan shartnoma nusxasini ilova qilish kifoya. Murojaat uchun aniq muddat belgilanmagan, ya’ni yil davomida istalgan vaqtda topshirish mumkin.
Izohlar (0)
Izoh yozish uchun tizimga kiring.