Shifokorlardan o‘quvchilar immunitetini oshirish bo‘yicha tavsiyalar.

Yangi o‘quv yili arafasida pediatr-shifokor Noiba Azimova ota-onalarga bolalar immunitetini mustahkamlash va maktab mavsumiga tayyorlash bo‘yicha muhim tavsiyalar berdi. Deyarli uch oylik yozgi ta‘tildan so‘ng bolalar organizmi yana maktab rejimiga moslashishi kerak bo‘ladi. Quyida shifokorning asosiy tavsiyalari bilan tanishishingiz mumkin.

Immunitet zaifligining asosiy sabablari

Mutaxassisning ta‘kidlashicha, maktab o‘quvchilarining tez-tez kasal bo‘lishiga vitaminlar tanqisligi, yomon uyqu, noto‘g‘ri ovqatlanish va doimiy stress sabab bo‘ladi. Immun tizimi organizmni turli mikrob va infeksiyalardan himoya qiluvchi asosiy qalqon hisoblanadi.

Kun tartibi: uyqu va ovqatlanish

Shifokor tavsiyasiga ko‘ra, bolalar uchun uyqu rejimi quyidagicha bo‘lishi kerak:

Ovqatlanish tartibi esa kun davomida quyidagicha taqsimlanishi maqsadga muvofiq:

Gadjetlar va uyqu sifati

Uxlashdan oldin kompyuter, planshet yoki telefondan foydalanish uyqu sifatiga salbiy ta‘sir ko‘rsatadi. Natijada miyada melatonin gormoni ishlab chiqarilishi kamayib, kortizol miqdori ortadi. Bu esa bolada turli kasalliklarga moyillikni kuchaytiradi.

Aksincha, me‘yoridagi uyqu immunitetga ijobiy ta‘sir ko‘rsatadi. sog‘lom uyqu Uyqu paytida organizmda metabolizm jarayoni jadallashib, bolalar aynan shu soatlarda yaxshi o‘sadi.

Ratsionda nimalar bo‘lishi kerak

Shifokor bolalar ratsioniga quyidagi mahsulotlarni kiritishni tavsiya qiladi:

• Asal — tabiiy antioksidant, immunitetni oshiradi
• Sarimsoq va piyoz — viruslarga qarshi samarali kurashadi
• Sabzi va shirin kartoshka — A vitaminiga boy
• Yong‘oqlar — E vitaminiga boy, infeksiyalarga qarshi
• Mevа-sabzavotlar va yodlangan tuz — umumiy salomatlik uchun

Fast-fud, tezpishar taomlar, gazli ichimliklar va shirinliklar esa bolalar organizmini tabiiy vitamin va minerallardan mahrum qiladi.

Maktabga tayyorgarlik bo‘yicha yakuniy maslahatlar

Shifokor ta‘kidlaganidek, maktab yoshidagi bolalar organizmi ma‘lum ritmlarga moslashadi. Shu bois bolani yoshligidanoq qat‘iy kun tartibiga o‘rgatish immunitetni mustahkamlashda eng muhim omillardan biridir. Ota-onalar farzandining uyqu rejimi, ovqatlanish tartibi va jismoniy faolligini muntazam nazorat qilib borishi lozim.

Yangi o‘quv yili boshlanishi bilan bolalar organizmi jismoniy va ruhiy yuklamalarga duch keladi. Darslar, uy vazifalari, to‘garaklar orasida dam olish va yetarli uyquga vaqt ajratish bolaning nafaqat salomatligi, balki o‘quv ko‘rsatkichlariga ham ijobiy ta‘sir qiladi.