Schwarzman Scholarship: Xitoyda magistratura uchun to‘liq grant
Xitoyning nufuzli Sinxua universitetida (Tsinghua University) magistratura bosqichini to‘liq moliyalashtiriladigan grant asosida o‘qish imkoniyati ochildi. Ushbu dastur dunyo yetakchilarini tarbiyalashga qaratilgan bo‘lib, barcha xarajatlarni qoplaydi.
Dastur haqida asosiy ma’lumotlar
Schwarzman Scholarship dasturi 2016-yilda amerikalik moliyachi Stiven Shvarsman tomonidan ta’sis etilgan. Dasturning asosiy maqsadi — biznes, siyosat va fuqarolik jamiyati sohasida kelajak yetakchilarini tayyorlash hamda Xitoy va boshqa davlatlar o‘rtasida hamkorlik ko‘prigini yaratishdir.
- Universitet: Sinxua universiteti, Pekin, Xitoy.
- Maqsadli auditoriya: 18 yoshdan 29 yoshgacha bo‘lgan talabalar yoki bakalavr darajasiga ega bitiruvchilar.
- Talablar: Ingliz tilini mukammal bilish va yuqori akademik natijalar.
Stipendiya nimalarni qoplaydi?
Dastur g‘oliblari uchun barcha xarajatlar qoplanadi, jumladan:
- Ta’lim to‘lovi va o‘quv materiallari;
- Yashash va ovqatlanish xarajatlari;
- Pekinga borish va qaytish aviachiptalari;
- Lenovo noutbuki va tibbiy sug‘urta;
- Shaxsiy ehtiyojlar uchun 4 000 AQSh dollari miqdorida stipendiya.
Qanday qilib ariza topshirish mumkin?
Nomzodlar ikki bosqichdan o‘tishlari kerak: onlayn ariza topshirish va suhbat. Qo‘shimcha ma’lumotlar va ariza topshirish uchun rasmiy saytga o‘ting.
Ta’lim sohasidagi yangiliklar va talabalar uchun foydali maslahatlarni kuzatib boring. Shuningdek, abituriyentlar uchun mo‘ljallangan boshqa grant dasturlari bilan ham tanishib chiqishingiz mumkin.
Izohlar (0)
Izoh yozish uchun tizimga kiring.