Qurolli Kuchlar akademiyasiga o‘qishga kirish tartibi 2025

Qurolli Kuchlar akademiyasiga o‘qishga kirish tartibi

Oliy harbiy ta’lim muassasalariga kirish istagida bo‘lgan abituriyentlar uchun muhim yangilik e’lon qilindi. Joriy yilda o‘qishga kirish uchun arizalar 1-fevraldan 31-martga qadar qabul qilinadi.

Hujjatlar topshirish va talablar

Nomzodlar o‘zlarining doimiy yashash joylaridagi mudofaa ishlari bo‘limlariga quyidagi hujjatlarni taqdim etishlari shart:

• Ariza (bildirgi);
• Chaqiriluvchining qayd etish guvohnomasi yoki harbiy guvohnoma;
• Tarjimai hol (qo‘lda yoki kompyuterda);
• Anketa;
• O‘qish, ish yoki xizmat joyidan tavsifnoma va ma’lumotnoma;
• Ota-ona rozilik xati (voyaga yetmaganlar uchun);
• Fotosuratlar: 3x4 sm (6 ta) va 4,5x6 sm (4 ta);
• Imtiyozlarni tasdiqlovchi hujjatlar.

Ma’lumot uchun, kirish ballari yo'nalishlar kesimida tahlil qilinishi abituriyentlarga o‘z imkoniyatlarini to‘g‘ri baholashga yordam beradi.

Avtomatik so‘rov orqali olinadigan hujjatlar

Quyidagi hujjatlar "Elektron hukumat" tizimi orqali mustaqil ravishda so‘rab olinadi:

• Shaxsni tasdiqlovchi hujjat nusxasi;
• Tug‘ilganlik haqida guvohnoma;
• Ta’lim to‘g‘risidagi hujjatlar (attestat, diplom) va baholar tabeli.

Akademiya yo‘nalishlari va sharoitlar

Qurolli Kuchlar akademiyasi 12 ta yo‘nalish bo‘yicha yuqori malakali mutaxassislarni tayyorlaydi. Akademiyada harbiy boshqaruv, razvedka, kiberxavfsizlik, chegara faoliyati, harbiy psixologiya va boshqa ko‘plab kafedralar faoliyat yuritadi. Kursantlar 4 yil davomida tahsil oladi va ularning barcha xarajatlari Mudofaa vazirligi tomonidan qoplanadi.