O‘zbekiston OTMlari milliy reytingi: Eng yaxshi va yomonlar

O‘zbekiston oliy ta’lim muassasalarining milliy reytingi e’lon qilindi

Vazirlar Mahkamasi huzuridagi Ta’lim sifatini nazorat qilish Davlat inspeksiyasi tomonidan O‘zbekistondagi 92 ta oliy ta’lim muassasasining faoliyati samaradorligi tahlil qilindi. Milliy reyting natijalariga ko‘ra, talaba va abituriyentlar uchun muassasalarning ta’lim sifati darajasi ochiqlandi.

Baholash mezonlari

Reyting 4 ta asosiy yo‘nalishdagi 20 ta indikator asosida shakllantirilgan:

• Ilmiy tadqiqot faoliyati va ta’lim-fan-ishlab chiqarish integratsiyasi;
• O‘quv-metodik ishlar va o‘qitish sifati;
• Talabalar bilimi va bitiruvchilar sifati;
• Sportni rivojlantirish.

Eng yuqori natija qayd etgan OTMlar

Reytingning yuqori pog‘onalarini quyidagi muassasalar egalladi:

• «Toshkent irrigatsiya va qishloq xo‘jaligini mexanizatsiyalash muhandislari instituti» Milliy tadqiqot universiteti;
• O‘zbekiston milliy universiteti;
• Toshkent moliya instituti;
• Samarqand davlat universiteti;
• Navoiy davlat konchilik instituti.

Eng quyi natija qayd etgan oliygohlar

Ro‘yxatning so‘nggi o‘rinlaridan joy olgan muassasalar bilan tanishing. Shuni ta'kidlash joizki, ushbu oliygohlar kirish ballari ham reytingdagi o'rniga qarab farqlanishi mumkin:

• Termiz muhandislik texnologiya instituti;
• O‘zbek milliy musiqa san’ati instituti;
• Farg‘ona jamoat salomatligi tibbiyot instituti;
• Termiz agrotexnologiyalar va innovatsion rivojlanish instituti;
• Qarshi davlat universitetining pedagogika instituti.

Batafsil ma’lumot uchun infoedu.uz saytiga tashrif buyurishingiz mumkin.