Tourism. The Path to Innovation tanlovi: Ikkinchi to‘lqin boshlandi
IT Park, Turizm va sport vazirligi hamda Axborot texnologiyalari vazirligi hamkorligida “Tourism. The Path to innovation” tanlovining ikkinchi bosqichiga start berildi. Bu loyiha turizm sohasidagi muammolarni yechishga qaratilgan innovatsion startap g‘oyalarni qo‘llab-quvvatlaydi.
Tanlovda kimlar ishtirok eta oladi?
Tanlovda yoshidan va sohasidan qat'i nazar, barcha innovatsion fikrlovchi fuqarolar o‘z startap loyihalari bilan qatnashishlari mumkin. Bu talabalar uchun o‘z g‘oyalarini biznesga aylantirish uchun ajoyib imkoniyatdir.
800 million so‘mlik mukofot jamg‘armasi
Tanlovning ikkinchi to‘lqini uchun ajratilgan mukofot jamg‘armasi 800 000 000 so‘mni tashkil etadi. G‘oliblar turizm ekotizimini rivojlantiruvchi va sayyohlar uchun qulaylik yaratuvchi eng yaxshi loyihalar mualliflari orasidan saralab olinadi.
Tanlov bosqichlari
- 1-bosqich: 11 iyundan 30 iyungacha startap-loyihalarni qabul qilish va saralash.
- 2-bosqich: 31 iyulga qadar saralangan loyihalar taqdimoti va komissiya baholashi.
O‘tgan bosqichda abituriyentlar va yoshlar tomonidan 218 ta ariza kelib tushgan bo‘lib, birinchi to‘lqin g‘oliblari 700 million so‘m mukofotni qo‘lga kiritishgan edi.
Ro‘yxatdan o‘tish tartibi
Musobaqada qatnashish uchun ro‘yxatdan o‘tish 10-iyungacha davom etadi:
- Ro‘yxatdan o‘tish uchun: Havola orqali o‘ting
- Tanlov shartlari bilan tanishish: Shartlarni yuklab olish
Izohlar (0)
Izoh yozish uchun tizimga kiring.