Oliy ta'lim, fan va innovatsiyalar vazirligi huzuridagi Yoshlarning innovatsion tashabbuslarini qo'llab-quvvatlash ofisi tomonidan tashkil etilgan "RoboWar – 2026" robotlar jangi musobaqasi yuqori saviyada o'tkazildi. Vazirlik matbuot xizmati xabariga ko'ra, musobaqada respublikaning turli hududlaridan kelgan iqtidorli yoshlar o'zlari yaratgan jangovar robotlar bilan bellashdilar.
Ishtirokchilar muhandislik va robototexnika sohasidagi bilim hamda mahoratlarini namoyish etdilar. Yakunda g'olib va sovrindorlar diplom, kubok hamda pul va qimmatbaho sovg'alar bilan taqdirlandi.
Bunday musobaqalar yoshlarning texnik ijodkorligini rivojlantirish va muhandislik kasblariga qiziqishini oshirishda muhim ahamiyatga ega. Ta'lim va innovatsiyalarga oid eng muhim yangiliklarni InfoEdu.uz orqali muntazam kuzatib boring.
