O‘qishni ko‘chirish (perevod) bo‘yicha eng muhim ma’lumotlar
Ta’lim sohasidagi so‘nggi yangiliklarga ko‘ra, o‘qishni ko‘chirish jarayonlari yanada tartibga solindi. Agar siz o‘qishingizni boshqa oliygohga ko‘chirmoqchi bo‘lsangiz, quyidagi muhim jihatlarga e’tibor qaratishingiz lozim.
O‘qishni ko‘chirishda o‘tish ballari qanday belgilanadi?
O‘qishni ko‘chirish imtihonlari bakalavriatga kirish imtihonlari bilan bir vaqtda o‘tkaziladi. O‘tish ballari har yili Bilim va malakalarni baholash agentligi tomonidan belgilanadi. O‘z tanlovingizni amalga oshirishda kirish ballari yo‘nalishlar kesimida ma’lumotlari bilan tanishib chiqish tavsiya etiladi.
Qat’iylashtirilgan talablar va qoidalar
2022 yildan boshlab mahalliy OTMlardan o‘qishni ko‘chirishga faqat ikki holatda ruxsat beriladi:
- Talaba oila qurishi munosabati bilan turmush o‘rtog‘i doimiy yashaydigan hududdagi OTMga ko‘chirish uchun murojaat qilganda;
- Davlat xizmatchilari ish joyi o‘zgarganda, ularning turmush o‘rtog‘i yoki voyaga yetmagan farzandlari o‘qishini ko‘chirish uchun tegishli vazirlik tavsiyasi asosida.
Arizalar qabuli va super-kontrakt
O‘qishni ko‘chirish bo‘yicha arizalar har yili 15 iyuldan 5 avgustgacha qabul qilinadi. Agar talabgor test sinovlarida yetarli ball to‘play olmasa, u talabalar uchun yaratilgan imkoniyatlardan foydalanib, belgilangan tartibda super-kontrakt asosida o‘qishini davom ettirishi mumkin.
Xorijiy va nodavlat OTMlardan o‘qishni ko‘chirish imtihonlari ham xuddi kirish imtihonlari kabi yuqori raqobat ostida o‘tadi. Har bir abituriyent o‘z yo‘nalishi bo‘yicha o‘tish ballarini oldindan tahlil qilib borishi muhim.
Izohlar (0)
Izoh yozish uchun tizimga kiring.