Ta'lim tizimida o'quvchilarning dars jarayoniga e'tiborini qaratish hamda intizomni mustahkamlash maqsadida maktablarda mobil telefonlardan foydalanish bo'yicha qat'iy qoidalar joriy etilgan. Ushbu qoidalar bilan tanishish ham o'quvchilar, ham ota-onalar uchun muhimdir.
Maktabda o'quvchilarga taqiqlangan harakatlar
O'quv jarayonida quyidagi holatlar qat'iyan man etiladi:
- Telefonni bo'yniga osib yurish, shim yoki ko'ylak cho'ntaklarida saqlash;
- Telefonni maktab elektr tarmoqlariga quvvatlash uchun ulash;
- Zo'ravonlik, shafqatsizlik yoki pornografik mazmundagi materiallarni tarqatish;
- Maktab nufuziga putur yetkazuvchi, vandalizm aks etgan videolarni suratga olish va tarqatish;
- Dars vaqtida telefon orqali gaplashish, SMS/MMS yuborish;
- Telefonni stol ustiga qo'yish, musiqa tinglash, diktofon yoki kalkulyatordan foydalanish;
- Suratga olish va video tasvirga tushirish.
Ta'lim jarayonida o'quv qurollaridan to'g'ri foydalanish uchun maktab darsliklarini yuklab olish imkoniyatidan foydalanishingiz mumkin.
Qoidalarni buzganlik uchun javobgarlik
Agar yuqoridagi talablar buzilsa, pedagog xodim o'quvchidan telefonni olib qo'yish va bu haqda bildirishnoma rasmiylashtirish huquqiga ega. Telefon direktor yoki direktor o'rinbosariga topshiriladi va keyinchalik ota-onalarga qaytarib beriladi.
Ta'lim sifatini oshirish va pedagog kadrlar attestatsiyasi jarayonlari haqida batafsil ma'lumotlarni portalimiz orqali kuzatib boring.
Ushbu ma'lumotlar rasmiy manbalardan olingan.
Izohlar (0)
Izoh yozish uchun tizimga kiring.