Oliy ta’lim, fan va innovatsiyalar vazirligi Hay’at qarori bilan 2025/2026-o‘quv yili uchun oliy ta’lim muassasalari magistratura bosqichining 22 nafar talabasi Prezident stipendiyasi tanlovi g‘olibi sifatida rasman tasdiqlandi.
Avvalroq bakalavriat bosqichi g‘oliblari haqida xabar bergan edik. Magistratura bo‘yicha tanlovda ishtirok etib, g‘olib bo‘la olmagan talabalar ham rahbariyat tomonidan rag‘batlantiriladi:
- Tanlovning suhbat bosqichiga tavsiya etilgan, ammo sovrindor bo‘la olmaganlarga — bazaviy stipendiyaning 5 baravari miqdorida;
- Suhbat bosqichiga o‘ta olmagan talabgorlarga — bazaviy stipendiyaning 3 baravari miqdorida bir martalik pul to‘lanadi.
Barcha g‘oliblarni tabriklaymiz!
