JACAFA stipendiyasi: Talabalar uchun 100 yevrolik grant

JACAFA Foundation stipendiya dasturi: Talabalar uchun imkoniyat

JACAFA Foundation (Japan Central Asia Friends and Associates Foundation) hamda The Nippon Foundation hamkorligida bakalavriat talabalari uchun yangi grant dasturi e'lon qilindi. Ushbu dastur iqtidorli yoshlarni qo'llab-quvvatlash va ularning ta'lim olishiga ko'maklashishga qaratilgan.

Agar siz talabalar uchun ajratilgan imkoniyatlarni kuzatib borayotgan bo'lsangiz, ushbu dastur siz uchun ayni muddao. Dastur doirasida qatnashchilar 2 yil davomida oylik stipendiya olishlari va kirish ballari yo'nalishlar kesimida talab etilgan sohalarda o'qishni davom ettirishlari mumkin.

Dasturning manfaatli jihatlari

• 2 yil davomida oyiga 100 yevro miqdorida stipendiya;
• Markaziy Osiyoda o'tkaziladigan tadbirlarda bepul ishtirok etish imkoniyati;
• Kichik loyihalar uchun 10 000 dollargacha grant yutib olish imkoniyati;
• JACAFA JAPAN Visit Program dasturida qatnashish imkoniyati.

Nomzodlar uchun qo'yiladigan talablar

• O'zbekiston, Qirg'iziston, Tojikiston, Qozog'iston yoki Ozarbayjon fuqarosi bo'lish;
• GPA ko'rsatkichi 4 lik tizimda kamida 3 (yoki 100 ballik tizimda 75 ball) bo'lishi;
• Ingliz tilini yaxshi bilish (IELTS, TOEFL, TOEIC yoki CEFR sertifikatlari);
• 23 yoshdan oshmagan bo'lish;
• Ijtimoiy fanlar, iqtisodiyot, moliya, menejment yoki IT sohalarida kunduzgi ta'limda o'qiyotgan 2-kurs talabasi bo'lish.

Kerakli hujjatlar va topshirish tartibi

Nomzodlar ushbu onlayn ariza shakli orqali ro'yxatdan o'tishlari kerak. Bundan tashqari, quyidagi hujjatlarni tayyorlash talab etiladi:

• Pasport yoki ID karta nusxasi;
• Universitet transkripti;
• 2 ta tavsiyanoma;
• Motivatsion insho.

Eslatma: Arizani to'ldirgach, barcha hujjatlarni elektron shaklda [email protected] manziliga yuborishingiz shart. Ariza topshirishning oxirgi muddati: 2022-yil 29-aprel, soat 18:00.