Issiqko‘lda yoshlar uchun bepul xalqaro konferensiya

Issiqko‘lda yoshlar uchun xalqaro konferensiya: Barcha xarajatlar qoplanadi

Oliy ta’lim muassasalari talabalari va yosh tadqiqotchilar uchun muhim yangilik: Model OSCE-2021 YXHT (Yevropa xavfsizlik va hamkorlik tashkiloti) tomonidan Issiqko‘lda tashkil etilayotgan konferensiya uchun arizalar qabul qilinmoqda. Bu talabalar uchun o‘z bilim va ko‘nikmalarini oshirish uchun ajoyib imkoniyat.

Konferensiya haqida

Tadbir 27-sentyabrdan 2-oktyabrgacha bo‘lib o‘tadi. Ishtirokchilar 1975-yilgi Xelsinki Yakuniy aktiga asoslangan simulyatsiya mashg‘ulotlarida qatnashadilar. Shuningdek, xalqaro va mahalliy ekspertlar tomonidan o‘tkaziladigan muzokaralar, diplomatiya bo‘yicha brifinglar va interaktiv sessiyalarda bilim olish imkoniyatiga ega bo‘ladilar.

Ushbu konferensiya abituriyentlar uchun ham, bo‘lajak xalqaro munosabatlar mutaxassislari uchun ham foydali tajriba maydoni hisoblanadi.

Foydali tomonlari:

• Tadbir bilan bog‘liq barcha xarajatlar tashkilotchilar tomonidan qoplanadi;
• Konferensiyada bepul qatnashish imkoniyati.

Ishtirok etish talablari:

• Nomzodlar 30 yoshdan katta bo‘lmasligi kerak;
• YXHT ishtirokchi davlatlari fuqarosi bo‘lish (O‘zbekiston ro‘yxatda mavjud);
• Ingliz tilini yaxshi darajada bilish;
• Tadbir davomida Qirg‘izistonda bo‘lish imkoniyati;
• Magistrantlar, doktorantlar va yosh tadqiqotchilarning ishtiroki rag‘batlantiriladi.

Ariza topshirish: SHU YERGA bosing. Murojaatlar uchun: [email protected]. Natijalar 20-sentyabrda e’lon qilinadi.