Parij-Saklay universitetida IDEX magistratura granti
Fransiyada ta'lim olishni istagan abituriyentlar va talabalar uchun ajoyib imkoniyat! Université Paris-Saclay xalqaro talabalarga magistrlik dasturlarida to‘liq grant asosida tahsil olishni taklif qiladi.
Grantga qanday ariza topshiriladi?
Ushbu stipendiya dasturiga faqat universitet tomonidan taklifnoma olgan talabalar ariza topshirishlari mumkin. Jarayon quyidagicha kechadi:
- Universitetga qabul qilingan talabalarga elektron pochta orqali maxsus havola yuboriladi.
- Nomzod onlayn shaklni to‘ldirishi va ikki nafar tavsiyachi (professor yoki amaliyot koordinatori) ma’lumotlarini kiritishi kerak.
- Tavsiyachilar o‘zlariga kelgan havola orqali baholash shaklini to‘ldirishlari lozim.
Kimlar ariza topshirishi mumkin?
Grantga da'vogar bo'lish uchun Parij-Saklay universiteti tarkibidagi muassasalardan biriga (AgroParisTech, CentraleSupelec, ENS Paris-Saclay va b.) qabul qilingan bo‘lish shart. Shuningdek, nomzod 30 yoshdan oshmagan bo‘lishi va Fransiya hududida bir yildan kamroq vaqt davomida istiqomat qilayotgan bo‘lishi kerak.
Baholash mezonlari va imtiyozlar
G‘oliblarni tanlashda akademik ko‘rsatkichlar, shaxsiy loyiha va motivatsion xat inobatga olinadi. Grant miqdori yiliga 10,000 yevroni tashkil etib, 10 oy davomida to‘lanadi. Bundan tashqari, viza va yo‘l xarajatlari uchun 1000 yevrogacha qo‘shimcha mablag‘ ajratilishi mumkin.
Xorijda ta'lim olish va talabalar uchun foydali ma'lumotlarni kuzatib boring. Batafsil ma'lumot uchun rasmiy veb-saytga tashrif buyuring.
Izohlar (0)
Izoh yozish uchun tizimga kiring.