Germaniyada bepul magistratura: University of Bayreuth

Germaniyada magistratura: Universitetlar mutlaqo bepulmi?

Ko'plab abituriyentlar va talabalar Germaniyada oliy ta'lim mutlaqo bepul deb o'ylashadi. Aslida, davlat universitetlarida o'qish uchun to'lov (tuition fee) olinmasa-da, talabalar semestr to'lovini (semester fee) to'lashlari shart. Bu to'lov odatda ma'muriy xarajatlar uchun olinadi va bir semestr uchun 250 yevrodan oshmaydi.

Shuni yodda tutish kerakki, Baden-Wurttemberg kabi ba'zi hududlarda xalqaro talabalar uchun to'lovlar joriy etilgan. Shunga qaramay, aksariyat universitetlarda ta'lim bepul hisoblanadi.

University of Bayreuth: Ingliz tilidagi magistratura

Germaniya xalqaro talabalar uchun ingliz tilidagi ko'plab magistratura dasturlarini taklif etadi. 1975-yilda tashkil etilgan va dunyoning eng yaxshi yosh universitetlari qatoridan joy olgan University of Bayreuth shulardan biridir.

Ushbu oliygohda ta'lim olish istagidagi talabalar uchun "History & Economics" (Master of Arts) dasturi ingliz tilida bepul o'qitiladi. Dastur davomiyligi 4 semestrni tashkil etadi.

Kerakli hujjatlar ro'yxati:

• Bakalavr diplomi (ingliz tiliga tarjima qilingan);
• Pasport nusxasi;
• IELTS (kamida 5.5) yoki ekvivalent sertifikat;
• Motivatsion xat;
• Kollej yoki litsey diplomi (ingliz tiliga tarjima qilingan).

Arizalarni [email protected] manziliga yuborishingiz mumkin. Batafsil ma'lumot uchun universitet rasmiy saytiga o'ting.